कोल्हापूर: आज कागल येथील मुश्रीफांच्या निवासस्थानी ईडीच्या अधिकाऱ्यांनी छापेमारी करत तपास सुरू केला गेल्या दोन महिन्यात हसन मुश्रीफ यांच्यावर तिसऱ्यांदा ईडीची कारवाई झाली. यामुळे हसन मुश्रीफ यांच्या अडचणीत वाढ होणार याची शक्यता निर्माण झाली आहे. दीड महिन्यांत तिसऱ्यांदा मुश्रीफ यांच्यावर कारवाई करण्यात आली आहे. तर आज तब्बल साडेनऊ तास ईडीचं पथक मुश्रीफांच्या घराची झाडाझडती घेत होतं. हे पथक दुपारी चार वाजेच्या सुमारास मुश्रीफांच्या घराबाहेर पडलं दरम्यान आता ईडीने हसन मुश्रीफ यांना चौकशीसाठी समन्स बजावले असून येत्या सोमवारी म्हणजेच १३ मार्चला ईडी कार्यालयात त्यांना उपस्थित राहण्याचे आदेश ईडीने दिले आहेत. यामुळे आता कागलमध्ये तणावाची परिस्थिती निर्माण झाली असून मुश्रीफ चौकशीला सामोरे जाणार का हे देखील पाहणं महत्त्वाचं ठरणार आहे.

माझी ग्रामविकास मंत्री हसन मुश्रीफ यांच्या घरावर आज पहाटेच्या सुमारास ईडीने पुन्हा छापा टाकला. दरम्यान हा छापा तब्बल साडेनऊ तास चालला आणि इडी च्या अधिकाऱ्यांनी चारच्या सुमारास घरातून काही कागदपत्र जप्त करत निघून गेले. असे असले तरी गेल्या दोन महिन्यात हसन मुश्रीफ यांच्यावर ही तिसरी कारवाई झाल्याने राष्ट्रवादीचे कार्यकर्ते देखील आक्रमक झालेले पाहायला मिळाले. भाजप ईडी आणि किरीट सोमय्या यांच्या विरोधात जोरदार घोषणाबाजी करत निषेध व्यक्त केला दरम्यान एका कार्यकर्त्याने आपलं डोकं फोडून घेत संताप व्यक्त केला. तसेच हसन मुश्रीफ यांच्या पत्नी ने देखील आम्हाला गोळ्या घालून टाका असे म्हणत संताप व्यक्त केला.

ज्येष्ट नाट्य समीक्षक, लेखक, दिग्दर्शक कमलाकर नाडकर्णी यांचे निधन
दरम्यान, आता ईडीने हसन मुश्रीफ यांना चौकशीसाठी समन्स बजावल्याचे समोर आले आहे.हसन मुश्रीफ यांना येत्या सोमवारी म्हणजेच १३ मार्चला ईडी कार्यालयात हजर राहण्याची सूचना समन्सच्या माध्यमातून देण्यात आली आहे. त्यामुळे या समन्सनंतर मुश्रीफ चौकशीला सामोरं जातात का? हे पाहणं महत्त्वाचं ठरणार असून या आधी ही हसन मुश्रीफ यांना ईडीने चौकशीसाठी समन्स बजावले होते मात्र ते चौकशीसाठी हजर राहिले नाहीत. असे असले तरी आता सध्या कागल मधील राजकारण चांगले तापले असून वातावरण देखील तणावपूर्ण झाले आहे.

शासकीय दवाखान्यातील डॉक्टरला लाच स्वीकारताना रंगेहात पकडले, कारण जाणून तुम्हाला कीव करावीशी वाटेल
तर दुसरीकडे आमदार हसनमुश्रीफ अध्यक्ष असलेल्या कोल्हापूर जिल्हा सहकारी बँकेत देखील घोटाळा झाला असल्याचा आरोप किरीट सोमय्या यांनी केला होता. त्या पद्धतीचा लेखी तक्रार देखील त्यांनी दिली होती. यानंतर विभागीय सहनिबंधक अरुण काकडे यांनी जिल्हा उपनिबंधकांना प्राथमिक चौकशीचे आदेश दिले. आणि त्याचा अहवाल एक मार्च २०२३ रोजी विभागीय सहनिबंधकांना देण्यात आला. त्यानंतर चाचणी लेखापरीक्षणाचे आदेश देण्यात आले.

यासाठी विभागीय सहनिबंधक सहकारी संस्था चे डी टी छत्रीकर यांची नियुक्ती करण्यात आली. त्यानुसार बुधवारी संध्याकाळी बँकेला भेट देत कागदपत्राची तपासणी करण्यास सुरुवात केली. मात्र लेखा परीक्षणासाठी लागणाऱ्या दस्तावेज ते की अनेक दस्तावेज हे ईडीने कुलूप बंद केले असल्याने प्राथमिक माहिती घेऊन अधिकारी परतले.
स्मार्टवॉचच्या वापराने तरुणाला थेट पोहोचवले रुग्णालयात, असे कसे घडले हे जाणून घ्या