वाढदिवसाच्या पार्टीसाठी आरोपींनी चक्क चोरी केल्याचा प्रकार समोर आला आहे. वाढदिवसाचा खर्च भागावा यासाठी नागपुरात चौघांनी चक्क कॅफेमध्ये आणि पान ठेल्यात पैसे आणि सिगारेटचे पाकिटे चोरल्याचा प्रकार समोर आला आहे. पोलिसांनी अत्यंत बारकाईने सीसीटीव्ही आणि इतर तांत्रिक मुद्दे लक्षात घेत आरोपींच्या मुसक्या आवळल्या आहेत.
नागपूर शहरातील कोतवाली आणि सक्करदरा पोलीस ठाण्याच्या हद्दीत 30 ऑगस्टच्या मध्यरात्री नंदनवन सीमेंट रोड परिसरातील सिग्नेचर चाय सुट्टा कॅफे येथे चोरट्यांनी चोरी केली. कॅफेचे शटर उघडून आत प्रवेश केल्यानंतर आरोपींनी कॅश काउंटरमधील रोख रक्कम तसेच सिगारेटची पाकिटे लंपास केली.
कॅफे आणि पान सेंटरवर चोरी
कॅफे संचालकाच्या माहितीनुसार, सुमारे 10 हजार रुपये रोख आणि 20 हजार रुपये किंमतीची सिगारेटची पाकिटे चोरीला गेली. या कॅफेमध्ये चोरी केल्यानंतर आरोपींनी सक्करदरा पोलीस ठाण्याच्या हद्दीतील बीमा हॉस्पिटल चौकाजवळील मिक्की पान सेंटरलाही लक्ष्य केले. तेथूनही रोख रक्कम आणि सिगारेटची पाकिटे चोरी करण्यात आली.
चोरी करण्याची पद्धत सारखी असल्याचं पोलिसांच्या निदर्शनास
एकाच टोळीने सलग दोन ठिकाणी चोरी केल्याने पोलिसांनी सीसीटीव्ही फुटेजच्या आधारे तपासाला सुरुवात केली. दोन्ही घटनांमधील सीसीटीव्ही फुटेज तपासत असताना पोलिसांनी आरोपींचा पेहराव, चोरी करण्याची पद्धत आणि घटनास्थळी त्यांच्या हालचालींकडे लक्ष ठेवण्यात आले. त्यानंतर दोन्ही चोरीच्या घटनांमागे एकाच टोळीचा हात असल्याचे स्पष्ट झाल्याने पोलिसांनी आरोपींचा शोध सुरू केला.
पोलिसांनी आरोपींना कसं पकडलं?
दरम्यान, चोरी केलेला माल वनदेवी चौक परिसरातील एका पानठेल्यावर विक्रीसाठी आणला जाणार असल्याची माहिती पोलिसांना मिळाली. माल विकल्यानंतर चोरीच्या रकमेतून पार्टीचा खर्च करण्यासाठी पैशांचे वाटप केले जाणार असल्याचेही पोलिसांच्या निदर्शनास आले. या माहितीच्या आधारे पोलिसांनी इटाभट्टी चौक परिसरात सापळा रचला. आरोपी तिथे येताच पोलिसांनी घेराबंदी करून पीयूष सोनटके, मोहम्मद जीशान अंसारी आणि वृतांत द्रविडकर या तिघांना ताब्यात घेतले.
आरोपींकडून गुन्ह्याची कबुली
तिघेही यशोधरानगर परिसरातील रहिवासी आहेत. त्यांच्यासोबत एका अल्पवयीन मुलालाही पोलिसांनी ताब्यात घेतले. चौकशीत आरोपींनी कॅफे आणि पानठेल्यात चोरी केल्याची कबुली दिल्याचे पोलिसांनी सांगितले. पोलिसांनी आरोपींकडून चोरीच्या गुन्ह्यात वापरण्यात आलेली मोटारसायकल तसेच काही रोख रक्कम जप्त केली आहे. तसेच आरोपींवर यापूर्वी कोणते गुन्हे दाखल आहे का? याचा शोध घेतला जात आहे.
चोरीचं कारण चक्रावून टाकणारं
दरम्यान, चोरीमागील कारण समोर आल्यानंतर पोलिसांनाही धक्का बसला. मित्राचा वाढदिवस फार्महाऊसवर मोठ्या थाटामाटात साजरा करण्याचा चौघांचा बेत होता. मात्र, पार्टीसाठी आवश्यक पैसे नसल्याने चोरी करून रक्कम उभी करण्याचे त्यांनी ठरवले. चोरीतून मिळणाऱ्या पैशांतून वाढदिवसाची पार्टी करण्याचा प्लॅन आखण्यात आला होता. मात्र, ‘बर्थडे बॉय’चा वाढदिवस साजरा होण्याआधीच त्याच्यासह संपूर्ण टोळी पोलिसांच्या ताब्यात सापडली असून पुढील तपास सुरू आहे.
लेखकाबद्दलचेतन पाटीलचेतन पाटील महाराष्ट्र टाइम्स ऑनलाइनमध्ये डिजीटल कंटेट प्रोड्यूसर म्हणून कार्यरत आहेत. ते महाराष्ट्र टाइम्स ऑनलाइन इथे सेकंड शिफ्ट इंचार्ज म्हणून जबाबदारी सांभाळत आहेत. महाराष्ट्र, देश, विदेश, राजकीय, क्रीडा, मनोरंजन अशा विविध बीटच्या बातम्या लिहिण्याचा त्यांना अनुभव आहे. एखादी मोठी बातमी कमी वेळात सर्वात आधी ब्रेक करण्याचं त्यांचं कसब आहे. ब्रेकिंग आणि महत्त्वाच्या बातम्या कमी वेळात लिहून ते अपलोड करण्यात ते पारंगत आहेत. पण कुठलीही बातमी ब्रेक करताना तिची सत्यता पडताळणी केल्याशिवाय ते ती बातमी पुढे जाऊ देत नाहीत. पत्रकार म्हणून त्या बातमीची शहानिशा करणं ही आपली प्राथमिक जबाबदारी असल्याचं चेतन पाटील मानतात.
डिजीटल पत्रकारितेच्या या अवाढव्य मोठ्या विश्वावात पत्रकाराने एक माणूस म्हणून योग्य जबाबदारी पार पाडणं जास्त आवश्यक आहे. त्यामुळे केवळ क्लिकबेट हेडिंग करुन वाचकांची दिशाभूल न करता पत्रकारितेचं नैतिक मूल्य अंगीकारण्यावर त्यांचा भर असतो. त्यामुळे कोरोना संकट काळ असले, विधानसभा, लोकसभा किंवा स्थानिक स्वराज्य संस्थांच्या निवडणुकीचा काळ असेल, एकनाथ शिंदे यांचं शिवसेनेतील बंड असेल, शिवसेना आणि राष्ट्रवादी काँग्रेस पक्षांचा न्यायालयीन खटला असेल, भारत-पाकिस्तान युद्धजन्य स्थिती असेल, भारत-चीन सीमेवरील गलवान खोऱ्यातील संघर्ष असेल, दिल्लीच्या सीमेवरील शेतकऱ्यांचं आंदोलन असेल, त्यानंतर शेतकऱ्यांच्या आंदोलनाला आलेलं हिंसक वळण असेल, महाराष्ट्रात मराठा समाजाचे नेते मनोज जरांगे पाटील यांचं आंदोलन असेल, मराठा आरक्षणाचे आंदोलन असेल, कष्टकरी आणि शेतकऱ्यांची विविध आंदोलने असतील, विविध सामाजिक आणि राजकीय घटना असतील, ते त्या घटनांचं वृत्तांकन करताना पत्रकारितेच्या नैतिक मुल्यांचं अतिशय काटेकोरपणे पालन करण्याचा प्रयत्न करतात.
चेतन पाटील यांना पत्रकारितेत जवळपास 9 वर्षांचा अनुभव आहे. पत्रकारितेचं पदवी शिक्षण घेत अतानाच त्यांना भिवंडी महापालिका निवडणूक काळात एका पॉलिटीकल पीआर कंपनीसोबत काम केल्याचा अनुभव आहे. त्यानंतर लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा नामांकीत वृत्त संस्थांमध्ये काम केल्याचा अनुभव आहे. आपलं महानगरमध्ये काम करत असताना त्यांनी यूट्यूबवर आयपीएलच्या मोसमात महिनाभर विश्लेषणाचे व्हिडीओ बनवले होते. तसेच ते महाराष्ट्र टाइम्स ऑनलाईन इथेदेखील विविध राजकीय घडामोडींचे विश्लेषण करणारे व्हिडीओ बनवत असतात.
चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट झाला आहे. त्यांच्या एका बातमीमुळे धुळे बस स्टॅण्डवर फिरणाऱ्या एका निराधार वृद्ध महिलेला खूप मोठी मदत झाली होती. महाविकास आघाडी सरकारने सीबीएसई आणि आयसीएसई बोर्डातील शाळांमध्ये मराठी भाषेचं शिक्षण सक्तीचं केलं होतं. पण कोरोना काळानंतर अचानक या निर्णयावर घुमजाव केल्याचं बघायला मिळालं होतं. त्यावेळी चेतन पाटील यांनी ‘आपुल्याच घरात हाल सोसते मराठी’ या मथळ्याखाली बातमी लाहिली होती. ही बातमी महाराष्ट्र एकीकरण समितीने रिट्विट करत मोठा मुद्दा उपस्थित केला होता. अखेर या मुद्द्यावरुन वातावरण तापल्यानंतर तत्कालीन शालेय शिक्षण मंत्र्यांना यावर स्पष्टीकरण द्यावं लागलं होतं. निर्णय मागे घेतला नसून काही वर्ष मराठी भाषेचे श्रेणीतून गुण दिले जातील, असं त्यांनी स्पष्ट केलं होतं. जीआर काढताना अधिकाऱ्यांकडून चूक झाल्याचं त्यांनी स्पष्ट केलं होतं.
चेतन पाटील यांनी लिहिलेल्या बातमीमुळे गडचिरोली येथील सीमाभागातील स्थानिक नागरिकांचा पाण्याचा प्रश्न सुटला होता. त्या भागातील स्थानिकांना पिण्याचं पाणी आणण्यासाठी खूप पायपीट करावी लागत होती. चेतन पाटील यांना स्थानिक पत्रकारांनी या घटनेची माहिती दिल्यानंतर त्यांनी खोलवर सविस्तर विषयाची माहिती गोळा करत बातमी केली होती. त्यांच्या या बातमीची दखल तत्कालीन मुख्यमंत्र्यांनी घेतली होती. विशेष म्हणजे बातमी प्रकाशित केल्यानंतर अवघ्या 15 दिवसांनी त्या भागातील नागरिकांच्या पाण्याचा प्रश्न सुटल्याची बातमी चेतन पाटील यांनी केली होती.
चेतन पाटील यांनी कल्याणच्या नामांकीत बिर्ला महाविद्यालयातून BMM (Bachelor Of Mass Media in Journalism) म्हणजेच पत्रकारितेतून पदवी शिक्षण घेतलं आहे. त्याआधी त्यांचं दहावीपर्यंतचं शिक्षण हे कल्याणच्या रॉयल हायस्कूल इथे झालं आहे. शालेय जीवनात त्यांना मराठी, हिंदी आणि गणित विषयाची विशेष गोडी होती. त्यांना लहानपणापासून कविता वाचनाचा छंद होता. त्यांनी अकरावी आणि बारावीचं शिक्षण हे विज्ञान शाखेतून केलं. पण बारावीनंतर त्यांना पत्रकारितेची वाट खुणावू लागली. त्यामुळे त्यांनी कल्याणच्या बिर्ला महाविद्यालयातून पत्रकारितेतून पदवी शिक्षण घेतलं.
महाविद्यालयीन शिक्षण घेत असताना त्यांनी विविध उपक्रमांमध्ये भाग घेतला आहे. त्यांना नाट्य आणि चित्रपट क्षेत्राविषयी नेहमीच आकर्षण राहिलं आहे. त्यामुळे त्यांनी महाविद्यालयीन शिक्षण घेत असताना जलरंग तापी नाट्य संस्थेसोबत अहिराणी आणि मराठी नाटकांमध्ये काम केलं आहे. त्यांनी राज्य नाट्य स्पर्धेत सहभाग घेतला आहे. त्यांनी ‘नटसम्राट’ नाटकात केलेल्या बूट पॉलिश करणाऱ्या राजाची भूमिका खूप गाजली होती. त्यावेळी त्यांच्या अभिनयाचं खूप कौतुक झालं होतं.
चेतन पाटील यांना कविता लिहिण्याचा आणि त्या सादर करण्याचा देखील छंद आहे. तसेच ज्येष्ठ आणि दिग्गज कवींच्या गाजलेल्या कविता सादर करण्याची देखील त्यांना आवड आहे. चेतन पाटील यांनी लिहिलेल्या ‘भगतसिंग’ कवितेची निवड ही ८९ व्या अखिल भारतीय मराठी साहित्य संमेलनात कवी कट्टा कार्यक्रमात वाचनासाठी झाली होती. चेतन पाटील यांचं आतापर्यंतचं आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.… आणखी वाचा