Mumbai Clubs FDA Raid : तुकाराम मुंढे यांच्या नेतृत्वातील अन्न व औषध प्रशासनाने मुंबईतील सात क्लब कॅन्टीन आणि रेस्टॉरंटची तपासणी केल्यानंतर गंभीर त्रुटी आढळलेल्या पाच नामांकित क्लबचे अन्न सुरक्षा व मानक प्राधिकरणाचे परवाने तत्काळ निलंबित केले आहेत.
विनापरवाना व्यवसाय करणाऱ्या गोरेगाव स्पोर्ट्स क्लबला व्यवसाय बंद करण्याची नोटीस बजावण्यात आली असून, अन्य एका आस्थापनेला सुधारणा नोटीस देण्यात आली आहे.
क्रिकेट क्लब ऑफ इंडिया
येथील तपासणीत शाकाहारी आणि मांसाहारी पदार्थ तयार करण्याच्या जागा स्वतंत्र नसल्याचे दिसून आले. कचरा विल्हेवाटीच्या परिसरात मोठ्या प्रमाणावर झुरळे होती. शीतगृहात साठवलेल्या अन्नावर साचलेले पाणी थेट पडत होते. स्वयंपाकघरात ओट्यावर झाडूचा वापर होत असल्याचेही दिसून आले. बुरशी लागलेल्या खराब भाज्या, अतिपिकलेले मशरूम साठवून ठेवण्यात आले होते. अन्नपदार्थांवर पुरेसे लेबलिंग नव्हते उपकरणे, फरशी आणि गटारांमध्ये ग्रीस, घाण, गाळ आणि साचलेले पाणीही आढळले.
अपर्णा जुहू जिमखाना
येथे स्वयंपाकाची उपकरणे गंजलेली होती. शिजवलेले आणि न शिजवलेले तसेच शाकाहारी आणि मांसाहारी पदार्थांचे योग्य वर्गीकरण करण्यात आले नव्हते. पॅकेजिंगसाठी वापरले जाणारे साहित्य ‘फूड ग्रेड’ म्हणून प्रमाणित नव्हते. आस्थापनेचे अंतर्गत किंवा बाह्य लेखापरीक्षणही झाले नसल्याचे प्रशासनाच्या निदर्शनास आले.
आर. के. जुहू जिमखाना
या ठिकाणी स्वच्छतेसंबंधी अनेक त्रुटी आढळल्या. कच्चा माल वापरण्यापूर्वी व्यवस्थित स्वच्छ करून तपासला जात नव्हता. तळण्यासाठी वापरलेल्या तेलाची आवश्यक नोंद ठेवली जात नव्हती. भिंती आणि छत ठिसूळ झाल्याने त्यांचे कण अन्नात पडण्याचा धोका होता. शिजवलेले अन्न आवश्यक तापमानात साठवले जात नव्हते. स्वयंपाकघरातील सांडपाणी वाहून नेण्याची व्यवस्था सुस्थितीत नसल्याने कीटकांच्या प्रजननाचा धोका निर्माण झाला होता.
Kannan Gopinathan : प्रिय मोदीजी, आता राजीनामे स्वीकारतच आहात, तर माझंही resignation घ्या; काँग्रेस नेत्याचं चमत्कारिक ट्वीट
एमआयजी क्रिकेट क्लब
क्लबच्या परिसरात ‘नेबुला केटरिंग सर्व्हिसेस’ ही संस्था वैध एफएसएसएआय परवान्याविना केटरिंगचे काम करीत असल्याचे आढळले. खरेदी-विक्रीचे व्यवहारही या संस्थेच्या नावाने होत होते. स्वयंपाकघरात झुरळे आणि कोळ्यांची जाळी आढळली. क्लबने परवाना प्राधिकरणाला न कळवता आस्थापनेची जागा आणि व्यवस्थापन रचनेत बदल केल्याचेही तपासणीत आढळले.
MHT CET Scam Row: Viral Calls 12 ते 15 लाख देऊन Top Govt Engineering College मध्ये Admission ची हमी
विलिंग्डन स्पोर्ट्स क्लब
या ठिकाणी तापमान निरीक्षणाची व्यवस्था अपुरी होती. फरश्या निसरड्या आणि अस्वच्छ होत्या. अन्न आणि पाण्याच्या तपासणीचे अहवाल अद्ययावत नव्हते. अन्न हाताळणाऱ्या कर्मचाऱ्यांच्या वैयक्तिक स्वच्छतेकडेही दुर्लक्ष होत असल्याचे आढळले.Crime News : पार्कमध्ये जीवघेणा हल्ला, 20 वर्षीय राधिका राजवाडेच्या डोळ्यासमोर साक्षात मृत्यू, मोबाईलवर टाईप करुन पोलिसांना आरोपीचं नाव सांगितलं
गोरेगाव स्पोर्ट्स क्लब
मालाड पश्चिम येथील या क्लबमध्ये तपासणी केली असता ही आस्थापना आवश्यक नोंदणी किंवा परवान्याशिवाय अन्न व्यवसाय करत असल्याचे निदर्शनास आले. अन्न सुरक्षा व मानके नियमांतील विविध तरतुदींचे उल्लंघनही आढळल्याने क्लबला अन्न व्यवसाय बंद करण्याचे निर्देश देण्यात आले आहेत.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा