१ ऑगस्टपासून कार्ड अनिवार्य

एसटी प्रवासातील सवलतीसाठी महिला, ज्येष्ठ नागरिक, अमृत ज्येष्ठ नागरिक, दृष्टिहीन आणि दिव्यांग प्रवाशांना एनसीएमसी कार्ड बंधनकारक आहे. १ ऑगस्टपासून एनसीएमसी कार्ड अनिवार्य होणार असल्याने कार्ड वितरण केंद्रांवरील गर्दी आणखी वाढण्याची शक्यता आहे. सुविधेच्या नावाखाली प्रवाशांची गैरसोय होत असल्याने ज्येष्ठ नागरिक आणि महिला प्रवाशांकडून संताप व्यक्त होत आहे.

Mumbai Local: महामुंबईत रेल्वेविस्ताराचे लक्ष्य; पनवेल-कर्जत रेल्वेमार्ग, कळवा-ऐरोली उन्नत मार्ग, तिसऱ्या-चौथ्या मार्गिकेचाही विकास

मुंबई सेंट्रल आगारात एनसीएमसी कार्डचे टोकन घेण्यासाठी नीलम शिर्के यांनी पहाटे ५.३० वाजताच रांग लावली. तीन तासांच्या प्रतीक्षेनंतर सकाळी ८.३० वाजता त्यांना टोकन मिळाले. मात्र, कार्ड लगेच मिळेल, अशी अपेक्षा असताना त्यांना आता कार्ड घेण्यासाठी तब्बल महिनाभरानेे पुन्हा येण्यास सांगण्यात आले. परळ आगारातही गेल्या आठवड्यापासून एनसीएमसी कार्डासाठी फेऱ्या मारणाऱ्या वंदना सावंत यांना रोजच्या कामावर पाणी सोडावे लागत आहे. सकाळी १० ते दुपारी २ या वेळेतच कार्डासाठी नोंदणी आणि वितरण केले जाते.‘मी घरकाम करते. काम सोडून रोज रांगेत उभे राहणे शक्य नाही. त्यामुळे कार्डासाठी धावपळ करताना रोजच्या कमाईवर पाणी सोडावेे लागते,’ अशी व्यथा त्यांनी मांडली.

एसटी महामंडळाच्या एनसीएमसी प्रकल्पाला राज्यभरातून प्रतिसाद मिळत असला, तरी कार्ड मिळवण्याची प्रक्रिया प्रवाशांसाठी डोकेदुखी ठरत आहे. कार्डसाठी प्रवाशांना तासन् तास रांगेत उभे राहावे लागत असेल, योजनेचा उद्देश काय, असा प्रश्न उपस्थित होत आहे.

( सर्व आकडे २८ जुलैपर्यंतचे आहेत.)

‘एनसीएमसी’साठी गर्दी टाळा

सवलतीच्या प्रवासासाठी ‘नॅशनल कॉमन मोबिलिटी कार्ड’ (एनसीएमसी) अनिवार्य करण्यात आल्याने स्वारगेट आणि वाकडेवाडी बसस्थानकांवरील कार्ड नोंदणी केंद्रांवर मोठी गर्दी होत आहे. या ठिकाणी एकच खिडकी असल्यामुळे प्रवाशांना मोठा त्रास सहन करावा लागत आहे. ही गर्दी कमी करण्यासाठी नागरिकांनी बसस्थानकांवर येण्याऐवजी पुणे आणि पिंपरी-चिंचवडमधील शहरांतील ५२ अधिकृत नोंदणी केंद्रांचा वापर करावा, असे आवाहन राज्य मार्ग परिवहन महामंडळाने (एसटी) केले आहे.

Maharashtra Weather: महाराष्ट्रात पाऊस धुमाकूळ घालणार, तीन दिवस कोसळधारेचा इशारा; पुण्यात जुलैतील पाऊस विक्रम मोडणार

महिला, ज्येष्ठ नागरिक आणि दिव्यांग प्रवाशांकडून मोठ्या प्रमाणावर ‘एनसीएमसी’ कार्ड काढण्यासाठी बसस्थानकांवर गर्दी होत आहे. त्यामुळे नोंदणीसाठी प्रतीक्षा वाढत असून, विशेषतः ज्येष्ठ नागरिक आणि दिव्यांगांना त्याचा त्रास सहन करावा लागत आहे. ही परिस्थिती लक्षात घेऊन शहरातील विविध भागांमध्ये अधिकृत एजन्सीमार्फत कार्ड नोंदणीची सुविधा उपलब्ध करून देण्यात आली आहे. एसटी प्रशासनाच्या माहितीनुसार, पुणे आणि पिंपरी-चिंचवडमध्ये एकूण ५२ अधिकृत केंद्रांवर ‘एनसीएमसी’ कार्ड नोंदणीची सुविधा उपलब्ध आहे, तर संपूर्ण जिल्हा व एसटी स्थानक मिळून १७५ केंद्रे आहेत. नागरिकांनी आपल्या घराजवळील केंद्रावर जाऊन कार्ड काढल्यास बसस्थानकांवरील गर्दी कमी होण्यास मदत होईल आणि नोंदणीची प्रक्रियाही अधिक जलद होईल. एसटी प्रशासनाने नागरिकांना विनाकारण स्वारगेट किंवा वाकडेवाडी बसस्थानकांवर गर्दी न करता, जवळच्या अधिकृत केंद्राचा लाभ घेण्याचे आवाहन केले आहे. त्यामुळे ज्येष्ठ नागरिक, महिला आणि दिव्यांग प्रवाशांची गैरसोय टाळण्यास मदत होईल, असे प्रशासनाने स्पष्ट केले आहे.