तत्कालीन पालकमंत्री स्व. अजित पवार यांनी पीएमपीचा ताफा वाढवण्यासाठी तातडीने एक हजार बससाठी महापालिका व ‘पीएमआरडीए’ला आदेश दिले. त्यानुसार २०२५च्या सुरुवातीलाच बस खरेदीसाठी निधीही पीएमपीला वर्ग करण्यात आला. त्यानंतर निविदा प्रक्रिया सुरू झाली. स्वमालकीच्या एक हजार बस मार्च २०२६पर्यंत दाखल होतील, असे सांगण्यात आले; पण निविदेत काही त्रुटी राहिल्यामुळे या बस जुलैपर्यंत ताफ्यात दाखल होतील, अशी आश्वासने यापूर्वी दिली होती. आता मात्र बस येण्यासाठी डिसेंबर उजाडेल, असे अधिकारी सांगत आहेत.

Monsoon Tourism: पर्यटक! छे… नुसती बेशिस्त झुंड; वर्षासहलींच्या नावाखाली सह्याद्रीच्या कुशीतील पर्यटनस्थळी धुडगूस, कारवाई कधी होणार?
पीएमपीच्या ताफ्यातील स्वमालकीच्या बस वाढाव्यात, यासाठी ‘ पीएमआरडीए’ ने ५०० बससाठी २५० आणि दोन्ही महापालिकांनी मिळून पाचशे बससाठी २५० कोटी रुपये उपलब्ध करून दिले आहेत. गेल्या एक ते दीड वर्षापासून फक्त निविदा प्रक्रियाच सुरू आहे.
Pune FDA Raid :’एफडीए’ची कारवाई ; १२ हॉटेलचे परवाने निलंबित
प्रवाशांचे हाल कधी थांबणार ?
पुणे महानगर क्षेत्राची लोकसंख्या एक कोटीपेक्षा अधिक असताना ‘पीएमपी’कडे दोन हजार बस आहेत. गरज सहा हजारांहून अधिक बसची असल्याचे प्रशासनानेच मान्य केले आहे. परिणामी, अनेक मार्गांवर बसच्या फेऱ्या कमी आहेत. निर्णय घेण्याची क्षमता नसेल, तर कोट्यवधींचा निधी घेऊन बसण्याचा अधिकार ‘पीएमपी’ला कोणी दिला? विलंबासाठी जबाबदार अधिकाऱ्यांची नावे जाहीर करून खरेदीचे निश्चित वेळापत्रक प्रसिद्ध केले पाहिजे, अशी मागणी प्रवासी संघटना करीत आहेत. याबाबत ‘पीएमपी’च्या जनसंपर्क अधिकाऱ्यांनी बोलण्यास नकार दिला.