गिरगावमधील पुनर्विकासासाठी दुभाष लेनमधील जवळपास १०० वर्षे जुन्या असलेल्या या इमारतीच्या आसपासच्या सर्व इमारती खरेदी केल्यानंतर केवळ एका इमारतीच्या मालकाचा ठावठिकाणा लागत नसल्याने विकासकाने एक जाहिरात दिली. नोटिशीची जाहिरात देताना इमारतीच्या मालकाने थेट मलबार हिलच्या सातपुडा बंगल्याच्या आवारात असलेल्या खोली क्रमांक ४०मध्ये येऊन भेटावे, असे आवाहन केले आहे. या बंगल्यामध्ये सध्या मंत्री छगन भुजबळ यांचे वास्तव्य आहे.

Plaza BEST Bus Accident: ब्रेक फेल की, मानवी चूक? दादरमध्ये ‘बेस्ट’ बसच्या भीषण अपघातात एकाचा गेला जीव, सहा जखमी
परंतु, परस्पर अशा प्रकारे मंत्र्यांच्या बंगल्याचा पत्ता कुणी दिला याचा शोध आता सरकारी अधिकाऱ्यांकडून; तसेच भुजबळांच्या कार्यालयाकडूनही घेण्यात येत आहे. मात्र, या जाहिरातीमुळे गिरगावात या विकासकाच्या तारा थेट मंत्र्यांच्या बंगल्याशीच जोडल्या गेल्या आहेत किंवा कसे, याची चर्चा रंगली आहे.

याविषयी माहिती घेतली असता गोखले इमारतीत राहणाऱ्या एका भाडेकरूने नाव न सांगण्याच्या अटीवर ‘मटा’शी बोलताना आश्चर्य व्यक्त केले. इमारतीच्या पुनर्विकासावरून विकासकाशी बोलणी सुरू असल्याची माहिती आम्हाला मिळाली होती. अवघ्या दहा दिवसांपूर्वी आम्ही ज्यांच्याकडे नियमित भाडे देतो त्यांचा मृत्यू झाल्याचे त्यांनी सांगितले. परंतु या प्रकरणात थेट मंत्र्यांच्या बंगल्याचा पत्ता असलेली जाहिरात वाचनात आल्याने आता सगळीकडे त्याचीच चर्चा असल्याचेही ते म्हणाले.

दरम्यान, या प्रकाराची माहिती मिळताच सातपुडा बंगल्यावर मात्र एकच धावपळ उडाली. बंगला हा सार्वजनिक बांधकाम विभागाच्या अखत्यारित असून, बंगल्यात काम करणाऱ्या कर्मचाऱ्यांसाठी दहा ते १२ खोल्या आहेत. ४० क्रमांकाची खोलीच या बंगल्याच्या परिसरात नसल्याची माहिती बंगल्यावरील सूत्रांनी दिली. याविषयी मंत्री भुजबळ यांच्या कार्यालयात विचारले असता, ही अतिशय धक्कादायक बाब असून, याची चौकशी आमच्या पातळीवरही करण्यात येत आहे. अशा प्रकारे सरकारी निवासस्थानाचा पत्ता देणे योग्य नसून, जाहिरातीत हा पत्ता कुणी नोंदवला, याची माहिती घेत असल्याचे सांगण्यात आले. मंत्री कार्यालयाने याविषयी थेट मंत्रालयातही याची माहिती दिली असून, त्याची चौकशी करण्यात येत असल्याचे सांगितले.

Mumbra Train Accident: गूढ, गर्दी अन् आश्वासने! मुंब्रा दुर्घटनेला आज एक वर्ष पूर्ण; अपघाताचे नेमके कारण अस्पष्टच
जाहिरातीत काय ?
गिरगावच्या दुभाष लेनमधील बहुतांशी इमारती एका विकासकाने विकत घेतल्या असताना जवळपास १०० वर्षे जुन्या गोखले इमारतीचे मालक मात्र विकासकाला आढळून येत नाहीत. तीन भाडेकरू राहात असलेल्या या इमारतीच्या मूळ मालकाला विकासकाने एका वकिलाच्या माध्यमातून ‘या इमारतीच्या मालकाने १५ दिवसांच्या आत येऊन आमची भेट घ्यावी,’ अशा आशयाची जाहिरात जारी केली आहे.मंत्री छगन भुजबळ अवघ्या काही महिन्यांपूर्वीच या बंगल्यात राहण्यास आले असून, त्यापूर्वी हा बंगल्यात धनंजय मुंडे यांचे वास्तव्य होते.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा