FDA Action In Chhatrapati Sambhajinagar: छत्रपती संभाजीनगरात अन्न व औषध प्रशासनाने मोठी धडक कारवाई केली आहे. FDA ने पतंजलीच्या दिव्य फार्मसीसह तीन कंपन्यांची आयुर्वेदिक औषधे जप्त केली आहेत. या कारवाईची सध्या राज्यभर चर्चा होत आहे.
ड्रग्ज अँड मॅजिक रेमेडीज (आक्षेपार्ह जाहिराती) कायदा १९५४ मधील तरतुदींचे उल्लंघन झाल्याप्रकरणी ही कारवाई करण्यात आली. छत्रपती संभाजीनगरमध्ये सुमारे २० हजार रुपयांची औषधे जप्त करण्यात आली असून संपूर्ण मराठवाडा विभागात जप्तीची रक्कम ९२ हजार रुपयांपर्यंत पोहोचली आहे.
सहा जिल्ह्यांत धाडसत्र
एफडीएचे सहाय्यक आयुक्त विराज पवनीकर यांनी दिलेल्या माहितीनुसार, छत्रपती संभाजीनगर, जालना, बीड, हिंगोली, नांदेड आणि लातूर जिल्ह्यांमध्ये एकाचवेळी तपासणी मोहीम राबविण्यात आली. या कारवाईत दिव्य फार्मसीसह एकूण तीन उत्पादक कंपन्यांची औषधे जप्त करण्यात आली आहेत.
Pune IT Scam: ‘असा’ घोटाळा कधी ऐकीवात नसेल, पुण्यातली IT कंपनीच निघाली फ्रॉड; 700 तरुणांची स्वप्नं उद्ध्वस्त, CEOला अटक
पवनीकर म्हणाले की, औषधांच्या जाहिरातींमध्ये दिशाभूल करणारे दावे किंवा शब्द वापरण्याची परवानगी कायदा देत नाही. अशा प्रकारचे प्रकार आढळल्यास पुढेही धाडी टाकून कारवाई सुरूच राहणार आहे.
अधिकाऱ्यांची कमतरता
कारवाईदरम्यान पवनीकर यांनी विभागातील मनुष्यबळाच्या कमतरतेकडेही लक्ष वेधले. छत्रपती संभाजीनगर विभागात औषध निरीक्षकांची संख्या कमी असून छत्रपती संभाजीनगरसाठी केवळ एकच औषध निरीक्षक कार्यरत असल्याचे त्यांनी सांगितले. लातूर आणि धाराशिवमध्येही प्रत्येकी एक अधिकारी आहे. त्यामुळे सहाय्यक आयुक्तांनाच अनेकदा प्रत्यक्ष कारवाईत सहभागी व्हावे लागत असल्याचे त्यांनी नमूद केले.
नागरिकांना आवाहन
कोणतेही औषध डॉक्टरांच्या सल्ल्याशिवाय किंवा चिठ्ठीशिवाय घेऊ नये, असे आवाहनही अन्न व औषध प्रशासनाने केले आहे. जप्त केलेल्या औषधांबाबत पुढील कायदेशीर प्रक्रिया सुरू असून प्रकरणाचा अधिक तपास केला जात आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा