Major Industrial Boost for Maval: पुणे-मुंबई द्रुतगती मार्गालगत मावळ तालुक्यात ११०० एकरांवर नवी एमआयडीसी उभारण्यात येत आहे. अनेक जमिनींचे सर्वेक्षण पूर्ण झाले आहे. भूसंपादनालाही सुरुवात झाली आहे. यामुळे रोजगारासाठी मोठी संधी निर्माण होणार आहे.
तीन गावांतील १,१०० एकर जमीन संपादित होणार
मावळ तालुक्यातील बऊर, करंज आणि ब्राह्मणवाडी या गावांच्या हद्दीत ही एमआयडीसी उभारण्यात येणार आहे. एकूण १,१०० एकर क्षेत्र या प्रकल्पासाठी निश्चित करण्यात आले आहे. त्यामध्ये बऊर आणि करंज परिसरातील सुमारे ५०० एकर, तर ब्राह्मणवाडीतील ६०० एकर जमिनीचा समावेश आहे.
विशेष म्हणजे, द्रुतगती मार्गाच्या दोन्ही बाजूंना असलेल्या कोरडवाहू जमिनींची निवड या प्रकल्पासाठी करण्यात आली आहे. त्यामुळे भविष्यात या परिसरात मोठ्या प्रमाणावर औद्योगिक गुंतवणूक आकर्षित होण्याची शक्यता व्यक्त केली जात आहे.
Pune Water Cut: औंध ते वारजे, पुण्यातील ‘या’ भागांमध्ये उद्या पाणीपुरवठा पूर्णपणे खंडित, पुढील दोन दिवसही परिणाम
२००७ पासून प्रक्रिया सुरू
उद्योग विभागाने २००७ मध्ये बऊर एमआयडीसीसाठी जागा अधिसूचित केली होती. त्यानंतर २०१७ मध्ये या परिसरातील जमिनींच्या खरेदी-विक्रीवर निर्बंध घालण्यात आले. आता सर्वेक्षण आणि मोजणीचे काम पूर्ण झाल्याने प्रत्यक्ष भूसंपादनाच्या हालचालींना वेग आला आहे.
एमआयडीसीकडून भूसंपादनाचे प्रस्ताव जिल्हाधिकारी कार्यालयाकडे पाठविण्यात येत असून पुढील प्रशासकीय प्रक्रिया सुरू असल्याची माहिती समोर आली आहे.
एकरी किंमत ८४ लाखांपर्यंत
सध्या या परिसरातील जमिनीची प्राथमिक किंमत एकरी सुमारे ८४ लाख रुपये निश्चित करण्यात आल्याचे सांगितले जात आहे. यासंदर्भात संबंधित विभागांची संयुक्त बैठकही पार पडली आहे.
उपमुख्य कार्यकारी अधिकारी संतोष भिसे यांनी दिलेल्या माहितीनुसार, भूसंपादनाची प्रक्रिया लवकरच अधिक वेगाने राबविण्यात येणार आहे. हा प्रकल्प पूर्ण झाल्यानंतर पुणे-मुंबई द्रुतगती मार्गालगत नवीन औद्योगिक केंद्र विकसित होण्यास मदत होणार असून रोजगाराच्या नव्या संधीही निर्माण होण्याची अपेक्षा आहे. सध्या देशात विकासाचे पर्व सुरु आहे, असे म्हटले जाते, त्याचा फायदा आता पुणेकरांच्याही वाट्याला येतोय, असे या प्रकल्पाचे समर्थन करणारे नागरिक म्हणत आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा