खत निरीक्षक तथा कृषी अधिकारी रवी किसन राठोड यांनी दिलेल्या माहितीनुसार विभागीय व जिल्हा भरारी पथकाने नवीन मोंढा येथील एपीएमसी मार्केटमधील गाळा क्रमांक एस.टी.-२६ येथे छापा टाकला. ट्रकमधून मोठ्या प्रमाणात खताच्या गोण्या उतरविल्या जात असल्याचे दिसून आले. त्यात विविध प्रकारची खते आढळून आली. या संपूर्ण साठ्याची किंमत १८ लाख रुपयांहून अधिक असल्याचे सांगण्यात आले.

Maharashtra Heatwave: सूर्य कोपला! उष्णतेच्या लाटांचा राज्याला तडाखा, तब्बल 183 तालुक्यांत पारा 45 अंशांपार
धक्कादायक बाब म्हणजे, ट्रकसोबत असलेल्या बिलामध्ये हा माल नांदेड येथील एका कंपनीकडे विक्री झाल्याचे नमूद होते. मात्र प्रत्यक्षात तो जालना येथील जयभारत ॲग्रो ट्रेडर्सच्या अनधिकृत गोदामात उतरवला जात असल्याचे भरारी पथकाच्या निदर्शनास आले.

तपासादरम्यान जयभारत एग्रो ट्रेडर्सच्या खत विक्री परवान्यात संबंधित गाळ्याचा समावेश नसल्याचे उघड झाले. याबाबत प्रोप्रायटर आकाश प्रमोदसिंग बायस यांच्याकडे विचारणा केली असता समाधानकारक खुलासा देता आला नसल्याचे फिर्यादीत नमूद करण्यात आले आहे.

Adhik Maas : 7000 लीटर आमरस, 1 टन पुरण अन् 500 जावयांचा थाट; अधिकमास निमित्त भव्य ‘धोंड्याच्या जेवणाचा’ सोहळा
या गोदामातील काही खतांचा तपशील यापूर्वी भोकरदन तालुक्यातील हसनाबाद पोलीस ठाण्यात दाखल झालेल्या खत गैरव्यवहार प्रकरणाशी जुळत असल्याचेही तपासात समोर आले आहे. त्यामुळे अनुदानित खतांचा काळाबाजार, कृत्रिम टंचाई निर्माण करणे तसेच अनधिकृत री-पॅकिंगसाठी पुरवठा केल्याचा संशय असल्याचे राठोड यांनी सांगितले.

या प्रकरणी आकाश प्रमोदसिंग बायस (जयभारत एग्रो ट्रेडर्स, जालना), अनिल बाळाप्रसाद मंत्री (इफ्को फर्टिलायझर्स, नांदेड) तसेच इतर अज्ञात व्यक्तींविरोधात खत नियंत्रण आदेश १९८५, अत्यावश्यक वस्तू कायदा आणि भारतीय न्याय संहितेअंतर्गत गुन्हा दाखल करण्यात आला आहे.