कुठे असेल मार्ग?

गोरेगाव-मुलुंड लिंक रोड (GMLR) हा संपूर्ण मार्ग 12.2 किलोमीटर लांब आहे. मुंबईतील पूर्व आणि पश्चिम उपनगरांना जोडणाऱ्या या मार्गावर भुयारी बोगदे, उड्डाणपूल आणि अनेक इंटरचेंजेसचा समावेश आहे. सध्या मुंबईत पूर्व आणि पश्चिम उपनगरांसाठी थेट लिंक प्रधान करेल. पहिल्या टप्प्यातील उड्डाणपूल पश्चिम उपनगरातील दिंडोशी कोर्टाजवळ सुरू होतो. हा उड्डाणपूल संजय गांधी राष्ट्रीय उद्यानाजवळ समाप्त होऊन वाहनचालकांना पूर्व उपनगरांना जोडणाऱ्या मार्गांपर्यंत पोहोचवेल. हा मार्ग कार्यान्वित झाल्यावर पश्चिम द्रुतगती महामार्गावरील वाहतूक कोंडी कमी होणार आहे.Virar-Alibaug Corridor: तिसऱ्या मुंबईचा कणा, 104 गावांमधून मार्ग, 6 महामार्गांना जोडणार; 14 पदरी ‘विरार-अलिबाग कॉरिडोर’ला मंजुरी

2027पर्यंत लिंक रोडवरील दुहेरी बोगद्यांचं काम पूर्ण होईल अशी अपेक्षा आहे. त्यानंतर उड्डाणपुलावरून वाहनचालकांना थेट बोगद्यांमध्ये प्रवेश मिळणार आहे. यामुळे प्रवास अधिक सुलभ होणार आहे. हा उड्डाणपूल सहा पदरी असेल. तसेच, मार्गावर एका उच्च प्लॅटफॉर्म बांधलं जाणार आहे आणि यावर एक एलिव्हेटेड रोटरी असेल. याशिवाय, पुलाच्या दोन्ही बाजूंनी डेक स्लॅब, पादचारी पदपथही बांधले जातील.

अंतिम टप्प्यात काम

सध्या या उड्डाणपुलाचं काम अंतिम टप्प्यात आहे. मार्गावर डांबरीकरण, रंगरंगोटी, ट्रॅफिक सिग्नल बसवणे आणि फलक बसवण्यासारखी कामं सुरू आहेत. मे महिना संपेपर्यंत किंवा जूनच्या पहिल्या आठवड्यात हा उड्डाणपूल वाहतुकीसाठी खुला होण्याची अपेक्षा आहे.

सध्या, मुंबईमध्ये सांताक्रूझ-चेंबूर लिंक रोड (SCLR), अंधेरी-घाटकोपर लिंक रोड (AGLR) आणि जोगेश्वरी-विक्रोळी लिंक रोड (JVLR) हे तीन मार्ग उपलब्ध आहेत. मात्र, या तिन्ही मार्गावर प्रचंड वाहतूककोंडी वाढत चालली आहे. त्यामुळे गोरेगाव-मुलुंड लिंक रोड उभारण्याचा निर्णय घेण्यात आला. या प्रकल्पासाठी एकूण 14,000 कोटी रुपयांचा खर्च आला आहे. यापैकी पहिल्या टप्प्यातील उड्डाणपूलासठी 300 कोटी रुपये खर्च झाला आहे. हा संपूर्ण मार्ग 2028पर्यंत पूर्ण करण्याचं महापालिकेचं उद्दिष्ट आहे.

Toll Plazas: राष्ट्र्रीय महामार्गांवरील टोलनाके गायब होणार! 2026अखेरपर्यंत देशभरात ‘कॅशलेस टोल’ अनिवार्य; नेमका कसा होणार फायदा?

चार टप्प्यांमध्ये बांधकाम

गोरेगाव-मुलुंड लिंक रोडचं काम चार प्रमुख टप्प्यात केलं जात आहे. पहिल्या टप्प्यात गोरेगाव आणि मुलुंड दोन्ही बाजूंना दोन उड्डाणपुलांचं काम केलं जाणार आहे. गोरेगाव कडील उड्डाणपूल दिंडोशी न्यायालय ते फिल्म सिटी हा 1.3 किमी लांब उड्डाणपूल आहे. मुलुंडकडे तानसा पाईपलाईन ते नाहूरपर्यंत 1.9 किमी लांब उड्डाणपूल बांधला जाणार आहे. पुढील टप्प्यात संजय गांधी राष्ट्रीय उद्यानाखालून दोन जुळ्या बोगद्यांचं काम सुरू आहे. यापूर्वीच नाहूर येथील रेल्वे पुलाचं काम पूर्ण झालं आहे. तसेच, काही मार्गांवर रस्ते रुंदीकरणाचं काम सुरू आहे. त्यानंतर शेवटच्या चौथ्या टप्प्यात, मुलुंडजवळ पूर्व द्रुतगती मार्गाला जोडण्यासाठी क्लोव्हरलीफ आकाराचे इंटरचेंज आणि ऐरोली पुलाकडे जाणारा एक केबल-स्टेड पूल बांधला जाणार आहे. गोरेगावकडे पश्चिम द्रुतगती महामार्गावर सिग्नलमुक्त प्रवासासाठी अंडरपास उभारला जाणार आहे.