निमित्त होते, महाराष्ट्र राज्य सहकारी संघ मर्या. पुणे येथील संचालक मंडळाच्या कार्यालयाच्या उद्घाटनाचे. मंत्री चंद्रकांत पाटील यांच्या हस्ते या कार्यालयाचे उद्घाटन करण्यात आले. या कार्यक्रमात मनोगत व्यक्त करताना दरेकर आणि पाटील यांनी केलेल्या वक्तव्यांची चांगलीच चर्चा रंगली होती.

Sushma Andhare : ठाकरे विधान परिषदेवर न गेल्यास सुषमा अंधारेंना तिकीट, राजकीय वर्तुळात चर्चा; काँग्रेसच्या भूमिकेकडे लक्ष
राज्यात सहकाराची अवस्था पाहता त्याला ऊर्जितावस्था देणे आवश्यक आहे. राज्यातील अडीच लाख सहकारी संस्थांना प्रशिक्षण देण्याची जबाबदारी सहकारी संघाकडे आहे. त्याकरिता संघ मजबूत होणे आवश्यक आहे. असे सांगून दरेकर यांनी राज्य सरकारकडे विविध मागण्या केल्या. पाटील हे संसदीय कामकाज मंत्री असल्याने मुद्दाम त्यांना या कार्यक्रमाला बोलविले आहे. चंद्रकांतदादांनी राज्यातील सहकार क्षेत्राचे पालकत्व घ्यावे, असे आवाहन दरेकर यांनी केले.

त्यावर चंद्रकांत पाटील म्हणाले, ‘दरेकर राज्य सहकारी संघ, महाराष्ट्र गृहनिर्माण स्वयं-समूह पुनर्विकास प्राधिकरण आणि मुंबै जिल्हा बँकेचे अध्यक्ष आहेत. त्यांना कॅबिनेटमंत्र्याचा दर्जा आहे. त्यांच्या पदनामातील ‘दर्जा’ हा शब्द निघून गेल्यास त्यांच्याकडे सहकार खातेच येईल आणि तसे झाल्यास माझ्याकडे येण्याची गरज नाही. दरेकर स्वत:च सहकार क्षेत्राबद्दल निर्णय घेऊ शकतील.’
Maharashtra Heat Stroke: सावधान! राज्यात दीड महिन्यात उष्माघाताचे 17 रुग्ण; पारा आणखी वाढण्याची शक्यता
‘पुणे विद्यापीठात स्वतंत्र सहकार विभाग’
केंद्राने यापूर्वीच गुजरातमध्ये सहकार विद्यापीठ सुरू केले आहे; तसेच पुण्यात वैकुंठभाई मेहता राष्ट्रीय सहकारी व्यवस्थापन संस्थेसारखी (वैमनिकॉम) ही सहकारातील नामांकित प्रशिक्षण संस्था असताना पुन्हा वेगळे विद्यापीठ काढता येईल किंवा कसे, याचा अभ्यास केला जाईल. राज्यातील ८४ विद्यापीठांत सहकार हा विभाग स्थापन करायचा आणि संबंधित विद्यापीठाने सहा-तीन महिन्यांचा अभ्यासक्रम सुरू करायचा, हा पर्यायदेखील आहे. याशिवाय सावित्रीबाई फुले पुणे विद्यापीठात सहकार विभाग स्थापन करू आणि त्यासाठीचे मनुष्यबळ राज्य सरकार मंजूर करील.