आस्था आनंद गिरी (१२) आणि अनू आनंद गिरी (१४), अशी मृत बहिणींची नावे आहेत. रविवारी सकाळी साडेअकराच्या सुमारास या दोन्ही बहिणी गावातील इतर मुला-मुलींसोबत सिपना नदीकाठी गेल्या होत्या. खेळता-खेळता आस्थाला पाण्याचा अंदाज आला नाही आणि ती खोल प्रवाहात ओढली जाऊ लागली. आपली धाकटी बहीण बुडत असल्याचे पाहताच, अनुने जीवाची पर्वा न करता तिला वाचवण्यासाठी नदीत उडी घेतली. मात्र, पाण्याचा प्रवाह आणि खोली जास्त असल्याने दोघींचाही संघर्ष अपयशी ठरला. काही क्षणांतच त्या दोघीही दिसेनाशा झाल्या.

गॅस सिलिंडरसाठी वणवण जीवावर बेतली! रेल्वे उड्डाणपुलाची लोखंडी प्लेट अंगावर कोसळल्याने तरुणाचा मृत्यू, मित्र जखमी
सोबत असलेल्या मुला-मुलींनी आरडाओरडा केल्यावर गावकरी तातडीने नदीकाठी धावून आले. घटनेची माहिती मिळताच पोलिसांनी स्थानिक मच्छिमारांच्या मदतीने शोधमोहीम राबवली. काही वेळाने दोन्ही मुलींचे मृतदेह बाहेर काढण्यात आले. धारणी येथील उपजिल्हा रुग्णालयात शवविच्छेदनासाठी मृतदेह पाठवण्यात आले असून, वरिष्ठ पोलिस निरीक्षक अवतारसिंग चव्हाण यांच्या मार्गदर्शनाखाली अकस्मात मृत्यूची नोंद करण्यात आली आहे.

Pune News : बास्केटबॉल पोस्टची रिंग डोक्यात पडली, पुण्यात 20 वर्षीय विद्यार्थ्याचा हृदयद्रावक अंत; कॉलेजचा उलट दावा
तर दुसऱ्या एका घटनेत, अवकाळी पावसासह वीज कोसळून युवकाचा मृत्यू झाल्याची घटना गडचिरोली जिल्ह्याच्या कुरखेडा तालुक्यातील रामगड येथे रविवारी घडली. दिशांत रवी सतिमेश्राम (१७) रा.मुरमाडी असे मृत युवकाचे नाव आहे. दिशांत हा रामगड येथील गणेश डेकोरेशनच्या कामासाठी गेला होता. रविवारी सकाळी नेहमीप्रमाणे आपल्या कामात व्यस्त असताना अचानक वातावरणात बदल झाला. ढगांच्या गडगडाटासह पावसाने हजेरी लावली. याच सुमारास दिशांत काम करीत असताना त्याच्या अंगावर अचानक वीज कोसळली. या घटनेत त्याचा जागीच मृत्यू झाला.