मनीषा खम्म दमाई (वय २५, सध्या रा. नऱ्हे) असे खून झालेल्या तरुणीचे नाव आहे. या प्रकरणी प्रकाश अर्जुन तिखात्री (वय ३०, सध्या रा. हिंजवडी) याला अटक करण्यात आली. याबाबत किशन भरत परिहार (वय ३५, सध्या रा. नऱ्हे) याने आंबेगाव पोलिस ठाण्यात तक्रार दिली आहे.

Pune Crime : पुणे विमानतळावर 26.80 कोटींचा हायड्रोपोनिक गांजा जप्त, सीमाशुल्क विभागाची कारवाई; संत्र्याच्या खोक्यातून चालू होती तस्करी
आरोपी प्रकाश याच्याशी मनीषाचे अनैतिक संबंध होते. किशन, मनीषा आणि प्रकाश हे मूळचे नेपाळचे आहेत. ते रखवालदार म्हणून काम करतात. मनीषा आणि प्रकाशचे विवाहबाह्य संबंध होते. प्रकाशने अनैतिक संबंध सुरू ठेवण्यास नकार दिला होता. तेव्हापासून त्यांच्यात वाद सुरू झाले. तिच्या त्रासामुळे प्रकाश चिडला होता.

Pune Crime: व्यावसायिक स्पर्धेला भयानक वळण; स्ट्रीट फूड विक्रेत्यांकडून रेस्टॉरंट मालकासह दोघांना मारहाण, पुण्यातील घटना
आरोपीने १८ मार्चला मनीषाला नऱ्हे परिसरात भेटण्यासाठी बोलावले. गोड बोलून त्याने तिला कात्रज बोगद्याजवळील एका हॉटेलच्या मागील बाजूस असलेल्या दाट झाडीत नेले. तेथे दोघांमध्ये वाद झाला. या वादातून आरोपीने दोरीने गळा आवळून तिचा खून केला आणि तेथून पसार झाला. दरम्यान, काही दिवसांनी दाट झाडीत एका तरुणीचा मृतदेह आढळून आल्याने परिसरात खळबळ उडाली. घटनेची माहिती मिळताच परिमंडळ दोनचे पोलिस उपायुक्त मिलिंद मोहिते, सहायक पोलिस आयुक्त राहुल आवारे यांनी घटनास्थळी भेट दिली. आंबेगाव पोलिस ठाण्यातील गुन्हे शाखेचे पोलिस निरीक्षक गजानन चोरमले यांनी तपास सुरू करून मृत तरुणीची ओळख पटविण्यात आली. त्यानंतर मिळालेल्या माहितीच्या आधारे आरोपीला ताब्यात घेण्यात आले. चौकशीत त्याने खुनाची कबुली दिली. या प्रकरणी आंबेगाव पोलिस ठाण्यात खुनाचा गुन्हा दाखल करण्यात आला आहे.