नेमकं प्रकरण काय?

हडपसरमधील सय्यद नगर भागात राहणाऱ्या एका हॉटेल व्यावसायिकाला खंडणीसाठी धमकावल्याचा प्रकार समोर आला होता. रिझवान उर्फ टिपू सत्तार पठाण आणि त्याच्या सात साथीदारांनी या व्यावसायिकाला त्यांच्या ‘ख्वाजा मंजिल’ येथील कार्यालयात बोलावून घेतले. “तुझ्या हॉटेलसाठी लागणारे मटण आमच्या भागीदारीत असलेल्या दुकानातूनच विकत घ्यावे लागेल,” असा सज्जड दम त्यांनी भरला. एवढ्यावरच न थांबता, दरमहा ५,००० रुपयांच्या खंडणीची मागणी करत, पैसे न दिल्यास गंभीर परिणामांना सामोरे जावे लागेल, अशी धमकीही दिली.या संदर्भात १६ फेब्रुवारी २०२६ रोजी काळेपडळ पोलीस ठाण्यात गुन्हा दाखल करण्यात आला होता. या गुन्ह्याचे गांभीर्य आणि टिपू पठाण टोळीचा गुन्हेगारी इतिहास लक्षात घेता, पोलिसांनी या टोळीवर ‘महाराष्ट्र संघटित गुन्हेगारी नियंत्रण कायदा’ म्हणजेच ‘मोक्का’ लावण्याचा निर्णय घेतला.

LPG Gas shortage : ‘वि’चित्रा’ ताई, 25 दिवस आम्ही तुमच्या घरी जेवायला यायचं का?’ रोहिणी खडसेंचा चित्रा वाघ यांच्यावर घणाघात

फरार आरोपी पोलिसांच्या ताब्यात

या गुन्ह्यातील एक मुख्य आरोपी फैजान उर्फ पच्चीस रमजान उर्फ कादर शेख (वय २१) हा गेल्या काही दिवसांपासून फरार होता. तो सय्यद नगर भागात येणार असल्याची माहिती वरिष्ठ पोलीस निरीक्षक मानसिंग पाटील यांना मिळाली. त्यानुसार पोलिसांनी सापळा रचून त्याला अटक केली. याआधी देखील टिपू पठाणवर जमीन हडपणे आणि खंडणीचे दोन मोक्का अंतर्गत गुन्हे दाखल होते, मात्र तांत्रिक कारणांमुळे त्यांना जामीन मिळाला होता. आता तिसऱ्यांदा मोक्का लागल्याने या टोळीच्या अडचणी वाढल्या आहेत.

Murlidhar Mohol: मुरलीधर मोहोळ रुग्णालयात दाखल, पायावर शस्त्रक्रिया; एक महिना सक्तीची विश्रांती, दुखण्याबद्दल दिली माहिती

पोलीस पथकाची कामगिरी

ही कारवाई पोलीस उपायुक्त डॉ. राजकुमार शिंदे, सहाय्यक पोलीस आयुक्त अतुलकुमार नवगिरे आणि वरिष्ठ पोलीस निरीक्षक मानसिंग पाटील यांच्या मार्गदर्शनाखाली करण्यात आली. यामध्ये सहाय्यक पोलीस निरीक्षक अमित शेटे यांच्यासह राजेंद्र वाघमारे, दादासो नळे, परशुराम पिसे आणि इतर कर्मचाऱ्यांच्या पथकाने महत्त्वाची भूमिका बजावली. या प्रकरणाचा अधिक तपास पोलीस करत आहेत.