गोडीने बोलावून केला पाशवी अत्याचार

मिळालेल्या माहितीनुसार, धारावती तांड्यावर राहणाऱ्या १६ वर्षीय अल्पवयीन मुलीला दोन नराधमांनी गोडीने घरी बोलावले. त्यानंतर त्यांनी घराचा दरवाजा बंद करून, पीडितेचे हातपाय बांधले आणि तोंडात कपड्याचा बोळा कोंबला. त्यानंतर या नराधमांनी तिच्यावर पाशवी अत्याचार केला. अत्याचारानंतर, “कोणाला काही सांगितले तर तुला जीवे मारून टाकीन,” अशी धमकी देत त्यांनी पीडितेला सोडून दिले.Mumbai Crime : भांडुपमध्ये निवृत्त बेस्ट कर्मचाऱ्याला 39 लाखांचा गंडा; ‘पोलीस’ असल्याचं सांगत घरातच केलं ‘डिजिटल अरेस्ट’

पालकांचा धाडसपूर्ण पवित्रा आणि गुन्हा दाखल

पीडित मुलीने घरी परतल्यानंतर घडलेला सर्व प्रकार आपल्या आई-वडिलांना सांगितला. आपल्या मुलीवर ओढवलेला प्रसंग ऐकून पालकांनी कोणताही विलंब न करता थेट परळी ग्रामीण पोलीस ठाणे गाठले आणि तक्रार नोंदवली.

या घटनेचे गांभीर्य लक्षात घेत पोलिसांनी तत्काळ कारवाई केली. दोन्ही आरोपींविरोधात भारतीय न्याय संहिता कलम ६४, १२७(२), ३५१(२), ३५२, ३(५) आणि बाल लैंगिक अत्याचार प्रतिबंधक कायद्याच्या (POCSO) कलम ४ व १७ अन्वये गुन्हा (गु.र.नं. १२५/२०२६) दाखल केला आहे.

Accident News : पुण्यात जॉब, डोळ्यांत स्वप्नं, थायलंडच्या सहलीतच नको ते घडलं; बीडच्या पूजाचा फुकेतमध्ये दुर्दैवी अंत

आरोपी फरार, पोलिसांकडून शोध मोहीम सुरू

गुन्हा दाखल होताच पोलिसांचे पथक आरोपींच्या शोधात घटनास्थळी पोहोचले. मात्र, पोलिसांच्या हालचालींची कुणकुण लागताच दोन्ही आरोपी फरार झाले. सध्या अंबाजोगाई उपविभागाचे ‘पिंक पथक’ आणि सहायक पोलीस निरीक्षक संतोष जाधव यांच्या नेतृत्वाखालील टीम आरोपींचा कसून शोध घेत आहे. या धक्कादायक घटनेमुळे संपूर्ण परिसरात तीव्र संताप व्यक्त केला जात असून, आरोपींना लवकरात लवकर अटक करून कडक शासन करण्याची मागणी नागरिकांकडून होत आहे.