विधान परिषदेतील आमदार सत्यजित तांबे यांनी उपस्थित केलेल्या प्रश्नाला उत्तर देताना फडणवीस यांनी या प्रकल्पातील अडचणी स्पष्ट केल्या; तसेच राज्य सरकारची भूमिका तुमच्यापेक्षा वेगळी नाही, अशी ग्वाही देतानाच, रेल्वेमंत्र्यांशी चर्चा करून तीन ते चार महिन्यांत सल्लागाराकडून योग्य मार्ग कसा काढता येईल, यासाठी प्रयत्न करण्याचे स्पष्ट केले.

Mumbai-Ahmedabad Bullet Train: वसई-विरारमधून जाणार बुलेट ट्रेन, विरार स्थानकाचा कायापालट; कसा होणार विकास?

काय आहे मुख्य अडथळा?

पुणे-नाशिक रेल्वे मार्ग हा नाशिक-सिन्नर-संगमनेर-अकोले-नारायणगाव-मंचर-चाकण या भागातून प्रस्तावित होता. मात्र, नारायणगाव परिसरात ३२ देशांच्या सहभागातून चालणारी जागतिक स्तरावरील ‘जीएमआरटी’ वेधशाळा आहे. रेल्वेच्या लहरींमुळे या वेधशाळेच्या कामात अडथळा येऊ शकतो, असे सांगून केंद्र सरकारने या मार्गाला लेखी नकार दिला आहे. केंद्र सरकारची भूमिका मुख्यमंत्री फडणवीस यांनी सभागृहात स्पष्ट करून पर्यायी मार्गाचाच विचार करावा लागेल, असे सांगितले.

असा निघणार तोडगा

• रेल्वे मंत्रालय आणि या क्षेत्रातील तज्ज्ञांचा सल्ला घेण्यासाठी आग्रह धरणार
• सल्लागारांकडून ३ ते ४ महिन्यांच्या कालावधीत पुणे-नाशिक रेल्वेमार्गासाठी योग्य मार्ग कोणता, याचा अहवाल घेणार
• वेधशाळेचे नियम पाळून आणि प्रस्तावित मूळ रेल्वेमार्गात फार बदल न करता (डेव्हिएशन) सर्व गावे रेल्वेशी ‘कनेक्ट’ होण्याच्या दृष्टीने अभ्यासाअंती निर्णय घेणार

Mumbai-Navi Mumbai Airport Metro: ‘मेट्रो लाइन 8’ला सरकारची मंजुरी, एकूण 20 स्थानकं; दोन्ही विमानतळ जोडणारी मार्गिका कधी सुरू होणार?

शिर्डी पर्यायाला विरोध का?

• शिर्डीमार्गे गेल्यास प्रवासाचा वेळ किमान ३० मिनिटांनी वाढणार आहे.
• जुन्या प्रस्तावित मार्गावरील संगमनेर, सिन्नर, नारायणगाव, चाकण यासारखी महत्त्वाची ठिकाणे रेल्वे नकाशावरून बाद होतील.
• मार्ग बदलण्यास स्थानिकांचा तीव्र विरोध असून गावोगावी कृती समित्या, आंदोलने होत आहेत.