अजित पवार यांच्या निधनामुळे निर्माण झालेली पोकळी, तसेच शरद पवार यांच्या नेतृत्वाखाली दोन्ही राष्ट्रवादी काँग्रेस पुन्हा एकत्र येण्याची शक्यता, या साऱ्या घडामोडींच्या पार्श्वभूमीवर हे स्टेटस महत्त्वाचे मानले जात आहे. अनेकांनी या स्टेटसकडे ‘संकेत’ म्हणून पाहिले असून, दोन्ही राष्ट्रवादी काँग्रेस पक्षांमध्ये समन्वय किंवा एकीच्या दिशेने हालचाली सुरु असल्याचा अंदाज व्यक्त केला जात आहे.
दरम्यान राष्ट्रवादी काँग्रेसच्या कार्यकर्त्यांमध्येही या स्टेटसबाबत चर्चा सुरू झाली आहे. काही कार्यकर्त्यांच्या मते, हा स्टेटस म्हणजे भावनिक संदेश असून, दिवंगत अजितदादा पवार यांना श्रद्धांजली देणारा आहे. तर काहींनी यामध्ये राजकीय एकतेचा सूचक इशारा दडलेला असल्याचे मत व्यक्त केले आहे. सोशल मीडियावरही या स्टेटसचे स्क्रीनशॉट व्हायरल होत असून, त्यावर विविध प्रतिक्रिया उमटत आहेत.
सध्या तरी सुप्रिया सुळे किंवा राष्ट्रवादी काँग्रेसकडून या स्टेटसबाबत अधिकृत भूमिका स्पष्ट करण्यात आलेली नाही. मात्र, अजित पवारांच्या निधनानंतर सुरू झालेल्या विलीनीकरणाच्या चर्चांमध्ये या स्टेटसने नव्याने राजकीय रंग भरल्याचे स्पष्टपणे दिसून येत आहे.