अनेकदा प्रवाशांना उभ्याने प्रवास करावा लागतो. याशिवाय, भुसावळ-मुंबई पॅसेंजर आणि भुसावळ-पुणे हुतात्मा एक्स्प्रेस या गाड्या बंद करण्यात आल्या आहेत. या गाड्या बंद केल्याने प्रवाशांच्या अडचणी अधिक वाढल्या आहेत.
जळगाव, भुसावळ या शहरांमधून नोकरी, शिक्षण, व्यवसाय तसंच वैद्यकीय उपचारांसाठी मुंबई आणि पुण्याकडे जाणाऱ्या प्रवाशांची संख्या मोठी आहे. मात्र, आरक्षित आणि अनारक्षित डब्यांमध्ये जागा न मिळाल्याने प्रवास अत्यंत त्रासदायक ठरत आहे. गर्दीतून, उभ्याने या मार्गावरुन येणाऱ्या प्रवाशांना प्रवास करावा लागतो. त्यामुळे भुसावळहून मुंबई आणि पुण्यासाठी स्वतंत्र रेल्वे गाड्या सुरू करण्यात याव्यात, अशी मागणी प्रवासी संघटनांकडून सातत्याने केली जात आहे. मध्य रेल्वेच्या महाव्यवस्थापकांकडे निवेदनं देऊनही अद्याप प्रत्यक्ष निर्णय झालेला नसल्याने प्रवाशांमध्ये नाराजी आहे.
सीटवरून महिला आणि पुरुष प्रवाशात जुंपली, अंबरनाथ लोकल ट्रेनमधील व्हिडिओ व्हायरल
दरम्यान, भुसावळ-मुंबई आणि भुसावळ-पुणे स्वतंत्र रेल्वे सुरू करण्याचा प्रस्ताव भुसावळ डीआरएम कार्यालयाने एप्रिल 2024 मध्येच मध्य रेल्वेच्या मुंबई मुख्यालयाकडे पाठवला आहे. या प्रस्तावांवर परिचालन विभागाने आवश्यक तांत्रिक अहवालही सादर केला आहे. मात्र, पुढील कार्यवाहीला अद्याप गती मिळालेली नाही. तरीही लवकरच मंजुरी मिळेल, अशी आशा प्रवाशांकडून व्यक्त केली जात असून, निर्णयाकडे सर्वांचं लक्ष लागलं आहे.