Local Train Update : मध्य आणि पश्चिम रेल्वेने १०० नव्या लोकल ट्रेनसाठी रेल्वे बोर्डाला पत्र लिहिलं आहे. सर्वसामान्यांना परवडणारी नॉन-एसी लोकलसाठी रेल्वेकडून महत्त्वाची पावलं उचलण्यात आली आहेत.
मुंबई महानगर परिसरात एकूण 400 किलोमीटर लांबीचे उपनगरी रेल्वे प्रकल्प आकार घेत आहेत. यात नवीन उपनगरी रेल्वेमार्गांसह दुहेरीकरण, चौपदरीकरण आणि विद्यमान मार्गांवरील अद्ययावतीकरण यांचा समावेश आहे. प्रवासी क्षमता वाढवण्यासाठी 12 डब्यांच्या लोकल 15 डब्यांच्या करण्यात येणार आहेत. सर्व विकासकामांसाठी 18 हजार 364 कोटी रु. खर्च अपेक्षित आहे. हे सर्व प्रकल्प पूर्ततेच्या विविध टप्प्यांवर असून चार वर्षांत पूर्ण होणार आहेत.
लोकल रोज अर्धा-अर्धा तास उशिराने, मेल-एक्सप्रेस गाड्यांना प्राधान्य, Local Train प्रवासी वाऱ्यावर; अधिकाऱ्यांकडून थातूरमातूर उत्तरं
उपनगरी रेल्वेगाडीचे निश्चित आयुर्मान असते. सद्यस्थितीत मध्य व पश्चिम रेल्वेवर धावणाऱ्या अनेक लोकल गाड्यांचे आयुर्मान पूर्ण होत आहे. यामुळे प्रवासी सुरक्षेच्या दृष्टीने अशा लोकल गाड्या सेवेतून बाद करून, त्या जागी नव्या लोकल दाखल करणे गरजेचे आहे. मुंबई रेल्वे विकास महामंडळाने आणखी 238 वातानुकूलित लोकल गाड्यांसाठी निविदा प्रक्रिया सुरू केली आहे. यातील पहिली एसी लोकल धावण्यासाठी सन 2030 उजाडण्याची शक्यता आहे. यामुळे विना-वातानुकूलित लोकल गाड्यांची आवश्यकता आहे.
सध्याची स्थिती
मध्य रेल्वे : फेऱ्या – 1820, गाड्या – 134
पश्चिम रेल्वे : फेऱ्या – 1406, गाड्या – 96
उपनगरी रेल्वेमार्ग विस्ताराच्या कामांसह मध्य आणि पश्चिम रेल्वेवर अधिकाधिक 15 डब्यांच्या लोकल गाड्यांनी प्रवासी वाहतूक करण्यात येणार आहे. त्यामुळे भविष्यात आयुर्मान इतक्या मोठ्या प्रमाणात लोकल गाड्यांची गरज भासणार आहे, अशी माहिती मध्य आणि पश्चिम रेल्वे महाव्यवस्थापक, विवेक कुमार गुप्ता यांनी दिली आहे.Local Train News : लोकल ट्रेनवर आता CCTV कॅमेरे, मध्य रेल्वेचा मोठा निर्णय; प्रवाशांसह मोटरमनलाही दिलासा, असा होणार फायदा?
मध्य रेल्वेवरील प्रकल्प आणि पूर्ततेची मुदत
सीएसएमटी-कुर्ला पाचवी-सहावी मार्गिका 2019
पहिला टप्पा – परळ-कुर्ला (10.1 किमी) दुसरा टप्पा परळ-सीएसएमटी (7.4 किमी)
नवा पनवेल-कर्जत उपनगरी मार्ग (29.6 किमी) – मे 2026
कल्याण-आसनगाव चौथी मार्गिका (32 किमी) डिसेंबर 2026
कल्याण-बदलापूर तिसरी-चौथी मार्गिका (14.5 किमी) – डिसेंबर 2026
कल्याण-कसारा तिसरी मार्गिका (67 किमी) डिसेंबर 2026
बदलापूर-कर्जत तिसरी व चौथी मार्गिका (32 किमी) – सन 2030
आसनगाव-कसारा चौथी मार्गिका (35 किमी) सन 2027
Mumbai Local Accident : मुंब्र्याजवळ लोकल अपघात, चालू ट्रेनमधून 13 जण पडले, 4 ठार
पश्चिम रेल्वेवरील प्रकल्प आणि पूर्ततेची मुदत
मुंबई सेंट्रल-बोरिवली सहावी मार्गिका (30 किमी) अंशतः पूर्ण
गोरेगाव-बोरिवली हार्बर विस्तार (7.8 किमी) डिसेंबर 2028 (गोरेगाव मालाड : मार्च 2028 आणि मालाड बोरिवली डिसेंबर 2028)
बोरिवली विरार पाचवी सहावी मार्गिका (26 किमी) मार्च 2028
विरार-डहाणू तिसरी-चौथी मार्गिका (64 किमी) डिसेंबर 2026
नायगाव – जुचंद्र दुहेरी कॉर्ड लाइन प्रकल्प (6 किमी) मार्च 2028
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा