एकदा तर हे सगळे सांगताना त्यांच्या डोळ्यात पाणीही आले होते. माझ्यासह माजी राज्यपाल श्रीनिवास पाटील; तसेच विठ्ठल मणियार यांनी ज्येष्ठ नेते शरद पवार यांच्याशी चर्चा करावी आणि दोन्ही राष्ट्रवादी एकत्र कशा येतील, याचा प्रयत्न करावा, अशी त्यांची इच्छा होती. या संदर्भात शरद पवार आणि सुप्रिया सुळे यांना पत्र पाठवून तसे मी सविस्तर कळवलेही होते, असा दावा काकडे यांनी केला आहे.

Ajit Pawar: जी रुग्णवाहिका अजित दादांमुळे मिळाली, त्यातूनच त्यांचं पार्थिव नेण्याची वेळ आली; ड्रायव्हरला रडू कोसळलं
महापालिका निवडणुकांमध्ये दोन्ही राष्ट्रवादी काँग्रेस एकत्र लढण्याचा निर्णय घेण्यात आल्यानंतर दोन्ही ‘राष्ट्रवादी’ एकत्र येण्याच्या चर्चा सुरू झाल्या होत्या. या संदर्भात बोलताना काकडे म्हणाले, ‘महापालिकेतील उमेदवारांची नावे; तसेच जागा अंतिम करताना ‘दादां’च्या ‘राष्ट्रवादी’शी घासाघीस होत होती. या वेळी एका बैठकीत दादा म्हणाले, दोन्ही ‘राष्ट्रवादी’ १२ तारखेलाच एकत्र येणार होत्या. कुठे माशी शिंकली काय माहिती; पण पालिका निवडणुकीनंतर आपण एकत्र येणार आहोतच.
Ajit Pawar: आमचं ‘ते’ स्वप्न अपूर्णच राहिलं; भरसभेत अजित दादांना ‘I Love You’ म्हणणारा कार्यकर्ता ढसाढसा रडला
एकत्रीकरणाची प्रक्रिया पालिका निवडणुकीतच सुरू ?
काकडे यांना दोन्ही ‘राष्ट्रवादी’ एकत्र आणण्याबाबत अजितदादांच्या भूमिकेला प्रदेशाध्यक्ष शशिकांत शिंदे यांच्यासह अन्य नेत्यांनी दुजोरा दिला आहे. अजित पवारांकडून दोन्ही ‘राष्ट्रवादी’ एकत्र करण्यासाठीची प्रक्रिया पुणे महापालिका निवडणुकीतच सुरू झाल्याचे अनेक संदर्भ दिसत होते. निकालानंतरही शरद पवार यांच्या ‘राष्ट्रवादी’तून आलेल्या नीलेश निकम यांना गटनेता करण्याचा त्यांनी घेतलेला निर्णय शहर पातळीच्या त्यादृष्टीने महत्त्वाचा मानला जात आहे. त्यामुळे दोन्ही ‘राष्ट्रवादी’ एकत्र येण्याची अजित पवारांची असलेली इच्छा त्यांच्या पश्चात तरी पूर्ण होणार का, असा प्रश्न उपस्थित झाला आहे.