फिर्यादीची सांगवी गावात पानटपरी असुन आरोपी अभिषेक जगताप यास उधार सिगारेट न दिल्याने त्याने शिविगाळ करुन लाथाबुक्क्यांनी मारहाण केली. ही माहिती फिर्यादीचा लहान भाऊ सार्थक जगताप यास माहित झाल्याने तो आणि फिर्यादी हे आरोपीच्या घरी त्याचे वडील महादेव जगताप यास सांगण्यासाठी गेले असता त्यांचे काही एक ऐकुन न घेता महादेव जगताप, त्याची पत्नी गिता जगताप आणि मुलगी काजल जगताप या तिघांनी शिविगाळ आणि दमदाटी करुन लाथाबुक्क्यांनी मारहाण केली. या भांडणाचा आवाज ऐकून फिर्यादीचे वडील सुनील जगताप हे भांडण सोडवण्यासाठी गेले होते.
Electric Cars: आता इ-वाहनेही करणार ‘आवाज’; पादचाऱ्यांच्या सुरक्षेसाठी नवा नियम, चाचणी यशस्वी; कधीपासून होणार सुरू?
यावेळी अभिषेक जगताप याने घरातील कोयता घेऊन सुनील जगताप यांच्या डोक्यात पाठीमागून वार केला. यावेळी आपल्या वडिलांना वाचवताना सार्थक मधे गेल्यावर त्याच्यावरही आरोपीने कोयत्याने डोक्यावर वार केला. तसेच दुसरा वार करत असताना बचाव करताना करंगळीला जखम झाली आहे. याचवेळी फिर्यादीची आजी उषा जगताप या घटनास्थळी आल्या असता त्यांना गिता जगताप आणि काजल जगताप यांनी ढकलून दिल्याने त्यांच्या हाताला लागुन त्या जखमी झाल्या आहेत.
Pune Crime : डेटिंग ॲपवर तरुणाशी ओळख, पुण्यातील युवक भुलला, कोंढव्यातील पेट्रोल पंपावर गेला, पण तिथे चौघांनी मिळून…
या भांडणात कोयत्याने डोक्यावर वार झाल्याने जखमी सुनील जगताप, सार्थक जगताप, व फिर्यादीला सांगवी येथे प्राथमिक आरोग्य केंद्रात प्राथमिक उपचार करुन पुढिल उपचारासाठी बारामती येथील शासकीय रुग्णालयात दाखल करण्यात आले. सदर घटनेचा तपास सहायक फौजदार संजय मोहिते करत आहेत.