ठाणे : राज्यात पुन्हा एकदा पावसाने कमबॅक केलं आहे. मुंबईत पावसाच्या काही सरी बरसल्या. तर ठाण्यात जोरदार पाऊस पडला. अचानक आलेल्या पावसामुळे ठाणेकरांची चांगलीच तारांबळ उडाली. मुसळधार पावसामुळे ठाण्यातील सखल भागांमध्ये पाणी साचायला सुरुवात झाली. विशेष म्हणजे राज्यात सध्या गणेशोत्सवाचा उत्साह आहे. ठाण्यातही गणेशोत्सवामुळे नागरिकांमध्ये उत्साहाचं वातावरण आहे. असं असताना अचानक पाऊस आल्याने नागरिकांचा मोठा हिरमोड झाला. फक्त ठाणे शहर नाही तर कल्याण आणि डोंबिवली शहरांतही चांगलाच मुसळधार पाऊस पडला.

कल्याण, डोंबिवली शहरांत गेल्या काही दिवसांपासून अपेक्षित पाऊस पडताना दिसत नाही. कधी ढगाळ वातावरण, कधी ऊन ते कधी हलका पाऊस पडत होता. पण आज पावसाने चांगलीच बॅटिंग केली. दुपारी 3 नंतर शहरात मुसळधार पाऊस पडला. जवळपास तासभर ते दीड तास मुसळधार पाऊस पडल्यानंतर रात्री आठवाजेपर्यंत रिमझिम पाऊस सुरुच आहे.

Pandharpur News : उतारवयात प्रेम जडलं, वृद्धेने वादातून प्रियकराला संपवलं, दीड महिन्यांनी घटनेचा उलगडा

महाराष्ट्रातील 25 जिल्ह्यांना पावसाचा अलर्ट

हवामान विभागाने वर्तवलेल्या अंदाजानुसार, महाराष्ट्रातील बहुतांश भागात पावसाची शक्यता आहे. विशेष म्हणजे 22 सप्टेंबरसाठी राज्यातील 25 जिल्ह्यांना पावसाचा यलो अलर्ट जारी करण्यात आला आहे. या काळात 30 ते 40 किमी प्रतितास वेगाने वारा वाहण्याची शक्यता आहे. तसेच तुरळक ठिकाणी विजांचा कडकडाट आणि ढगांच्या गडगडाटासह पावसाची शक्यता आहे.

Miraj Civil Hospital : पोलीस जेव्हा देव बनतात, मिरज सिव्हिल हॉस्पिटलच्या प्रवेशद्वारावर संकट कोसळलं, नेमकं काय घडलं?हवामान विभागाने वर्तवलेल्या अंदाजानुसार ठाणे, मुंबई, रायगड, रत्नागिरी, नाशिक, नाशिकचा घाट परिसर, अहिल्यानगर, पुणे, पुणे घाट परिसर, कोल्हापूर, कोल्हापूर घाट परिसर, सातारा, सातारा घाट परिसर, सांगली, सोलापूर, जालना, परभणी, बीड, हिंगोली, नांदेड, लातूर, धाराशिव, भंडारा, चंद्रपूर, गडचिरोली, गोंदिया, नागपूर, वर्धा, यवतमाळ या जिल्ह्यांसाठी 22 सप्टेंबरला पावसाचा यलो अलर्ट जारी करण्यात आला आहे.

बंगालच्या उपसागरात कमी दाबाचे क्षेत्र

पश्चिम बंगालमध्ये कमी दाबाचे क्षेत्र तयार झाले आहे. येत्या 48 तासात हे कमी दाबाचे क्षेत्र आणखी तीव्र होणार आहे. त्याचा परिणाम वातावरणात होणार आहे. या कमी दाबाच्या क्षेत्रामुळे 24 सप्टेंबरला ओडिशा आणि छत्तीसगडमध्ये मुसळधार पाऊस पडण्याची शक्यता आहे. तर 23 आणि 24 सप्टेंबरला आंध्र प्रदेशात पावसाची शक्यता आहे. या कमी दाबाच्या क्षेत्रामुळे महाराष्ट्रात पाऊस येतो का? ते पाहणं आता महत्त्वाचं आहे.

पंजाबराव डख यांचा अंदाज काय?

दरम्यान, हवामान तज्ज्ञ पंजाबराव डख यांनी देखील काही अंदाज वर्तवले आहेत. धाराशिव, सांगली, सातारा, कोल्हापूर, सोलापूर, परभणी, बीड, जालना, अहिल्यानगर, पुणे या जिल्ह्यांमध्ये 24 सप्टेंबरपर्यंत चांगला पाऊस पडेल. दररोज भाग बदलून पाऊस पडेल. हा निर्णायक पाऊस असणार आहे. या भागांमध्ये चार दिवसांत चांगला पाऊस पडणार आहे. हा पाऊस 24 सप्टेंबरपर्यंत आहे. यानंतर 2 ते 4 ऑक्टोबर या काळात या भागांमध्ये चांगला पाऊस पडेल. तसेच पुणे, नाशिक, अहिल्यानगर, छत्रपती संभाजीनगर या जिल्ह्यांमध्ये देखील चांगल्या पावसाची शक्यता आहे, असा अंदाज डख यांनी वर्तवला आहे.

यवतमाळ, नांदेड, लातूर, परभणी, हिंगोली, बीड, अहिल्यानगर, पुणे, सांगली, सातारा, कोल्हापूर, सोलापूर, धाराशिव, लातूर या जिल्ह्यांमध्ये 24 सप्टेंबरपर्यंत पावसाचा जोर चांगला राहणार आहे. तसेच 1 ते 3 ऑक्टोबर दरम्यान येणाऱ्या पावसाचा जोर देखील याच भागात जास्त राहणार आहे, अशी माहिती पंजाबराव डख यांनी दिली.

Central Railway : याला म्हणतात उत्पन्न! तिकीटांमधून नाही तर जाहिरात आणि इतर पर्यायी माध्यमांमधून मध्य रेल्वेने कमावले तब्बल 58.15 कोटी रुपयेसगळ्यात जास्त जोर जिथे अद्यापही पाऊस पडला नाही तिथे पाऊस पडणार आहे. या पावसात विजांचा कडकडाट जास्त राहील, अशीदेखील माहिती त्यांनी दिली. महाराष्ट्राच्या बाजूचे राज्य तेलंगणा आणि कर्नाटकमध्ये पावसाचा जोर जास्त राहणार आहे. 21 ते 23 सप्टेंबर कोल्हापूर पासून ते पालघर, पुणे, मुंबई, नाशिक, संगमनेर, अकोले, अहिल्यानगर या भागांमध्ये पाऊस असणार आहे, असं पंजाबराव डख म्हणाले आहेत.