खुटिदा गावातील गर्भवती महिला प्रेमंती सतीश बेठेकर हिला १९ जानेवारीच्या रात्री प्रसूतीकळा सुरू झाल्यानंतर कुटुंबीयांनी खासगी वाहनाने तातडीने हतरू प्राथमिक आरोग्य केंद्रात नेले. मात्र, दवाखान्यात पोहोचल्यानंतर तिला उपचार मिळणे दूरच दवाखान्यात भरतीही करुन घेण्यात आले नाही. अखेर दवाखान्याच्या आवारातच उभ्या गाडीत तिची प्रसूती झाली .
Sanjay Khodke Accident : अमरावतीत आमदार संजय खोडके यांचा भीषण अपघात, घटना सीसीटीव्हीत कैद, धक्कादायक व्हिडीओ समोर
इतक्या गंभीर परिस्थितीत डॉक्टरांनी येणे अपेक्षित असताना आई व नवजात बाळाची कोणतीही वैद्यकीय तपासणी न करता डॉक्टर दवाखान्यातून बेपत्ता झाल्याचा आरोप नातेवाइकांनी केला आहे . त्यानंतर प्रेमंती नवजात बाळासह पुन्हा आपल्या गावात परतल्या . सुरक्षित प्रसूती ही प्राथमिक आरोग्य केंद्रांची मूलभूत जबाबदारी असताना , असा हलगर्जीपणा कसा काय सहन केला जातो ? असा संतप्त सवाल ग्रामस्थांकडून केला जात आहे.

Pune Crime : लग्नात 55 तोळे सोनं अन् फॉर्च्युनर, आणखी 100 तोळ्यांसाठी छळ, पुण्यात शिवसेना नेत्याच्या सुनेचे गंभीर आरोप, कोर्टाने फटकारलं
या प्रकाराची तक्रार पीडित महिलेने माजी आमदार राजकुमार पटेल यांच्याकडे केली . त्यानंतर पटेल यांनी जिल्हाधिकारी यांच्याकडे लेखी तक्रार दाखल करत संबंधित डॉक्टर व कर्मचाऱ्यांवर तत्काळ निलंबनाची कारवाई करण्याची मागणी केली आहे. दरम्यान , जिल्हा आरोग्य अधिकारी डॉ. प्रवीण पारिसे यांनी घटनेची सखोल चौकशी करण्यासाठी पथक पाठवले जाईल. दोषी आढळल्यास कारवाई केली जाईल, असे सांगितले .