सुरुवातीचे काही दिवस सुरळीत गेल्यानंतर, सासरच्या मंडळींकडून त्यांचा छळ सुरू झाला. सासू इंदुबाई महादेव थोरात यांनी प्रिया यांच्या जातीवरून त्यांना वारंवार टोमणे मारण्यास आणि मानसिक त्रास देण्यास सुरुवात केली. दरम्यान, पती शहादेव याला दारूचे व्यसन जडले आणि घरामध्ये वादाचे प्रसंग वाढू लागले. २०२२ मध्ये प्रिया यांनी मुलाला जन्म दिल्यानंतर हा त्रास अधिकच तीव्र झाला. शेतीकामासाठी ट्रॅक्टर घ्यायचा आहे, त्यासाठी तुझ्या माहेरून सहा लाख रुपये घेऊन ये, अशी मागणी पती आणि सासूने लावून धरली.

मारहाण व घराबाहेर हाकालपट्टी

प्रिया यांनी आपल्या माहेरची परिस्थिती हलाखीची असल्याने पैसे आणण्यास असमर्थता दर्शवली. याचाच राग धरून पती आणि सासूने त्यांना मारहाण करणे, जेवण न देता उपाशी ठेवणे आणि मानसिक छळ करणे सुरू केले. छळाची ही पराकाष्ठा गाठली गेली.

Sheetal Mhatre: एकनाथ शिंदेंचे 29 नगरसेवक ‘ताज’मध्ये दाखल; शीतल म्हात्रेंनी सांगितलं नेमकं कारण

दारूच्या नशेत असलेल्या शहादेवने थेट मुलींच्या शाळेत जाऊन गोंधळ घातला. जेव्हा प्रिया यांनी या कृत्याला विरोध केला, तेव्हा पतीने त्यांना भररस्त्यात मारहाण केली आणि मुलांसह घराबाहेर हाकलून दिले.

जाचाला कंटाळून पोलिसात धाव

अखेर या जाचाला कंटाळून प्रिया थोरात यांनी पोलीस ठाणे गाठले. त्यांच्या फिर्यादीवरून बीड ग्रामीण पोलिसांनी पती शहादेव महादेव थोरात आणि सासू इंदुबाई महादेव थोरात यांच्या विरोधात भारतीय न्याय संहिता (BNS) च्या कलम ११५ (२), ३ (५), ३५२ आणि ८५ नुसार गुन्हा दाखल केला आहे.

निर्णयानंतरही केवळ पैशांच्या हव्यासापोटी एका महिलेला अशा प्रकारे वागणूक देणे दुर्दैवी आहे. पोलीस या प्रकरणाचा सखोल तपास करत असून दोषींवर कठोर कारवाई करावी अशी मागणी केली जात आहे. या घटनेमुळे परिसरात संताप व्यक्त होत असून हुंडाबळी आणि घरगुती हिंसाचाराच्या वाढत्या घटनांवर पुन्हा एकदा प्रश्नचिन्ह उपस्थित झाले आहे. पुढील तपास बीड ग्रामीण पोलीस करत आहेत.