जतीन हा एक उमदा खेळाडू आणि अभ्यासू विद्यार्थी असल्याने त्याच्या या टोकाच्या पावलामुळे सावंतवाडी आणि नेमळे परिसरात हळहळ व्यक्त होत आहे. सावंतवाडी येथील कामतनगर परिसरात राहणाऱ्या आणि मूळच्या नेमळे-फौजदारवाडी येथील जतीन प्रशांत राऊळ (वय १५) या इयत्ता दहावीतील विद्यार्थ्याने शुक्रवारी एका खोलीत गळफास लावून आत्महत्या केली. जतीन हा स्वभावाने अत्यंत मनमिळाऊ होता. अभ्यासासोबतच क्रीडा क्षेत्रातही त्याने आपली वेगळी ओळख निर्माण केली होती. कबड्डीमधील त्याच्या उत्कृष्ट कामगिरीबद्दल सिंधुदुर्ग जिल्हा क्रीडा अधिकाऱ्यांच्या हस्तेही त्याचा गौरव करण्यात आला होता. विशेष म्हणजे, अलीकडेच त्याची राज्यस्तरीय कबड्डी स्पर्धेसाठी निवड झाली होती. खेळाव्यतिरिक्त त्याला कलेचीही आवड होती; फौजदारवाडी येथील भजन मंडळात तो उत्तम पखवाज वादनही करत असे.
Sindhudurg Crime : दारु ढोसून आला, नशेत जन्मदात्या आईलाच गोळी झाडून संपवलं; संक्रांतीच्या दिवशीच पोटच्या लेकराकडून संतापजनक कृत्य
सर्वच क्षेत्रात चमकत असलेल्या जतीनने अचानक आत्महत्येसारखे टोकाचे पाऊल का उचलले, याचे कारण अद्याप समजू शकलेले नाही. शनिवारी सकाळी त्याचे पार्थिव सावंतवाडीहून नेमळे-फौजदारवाडी येथे आणण्यात आले. नेमळे येथील स्मशानभूमीत जतीनवर अंत्यसंस्कार करण्यात आले. यावेळी शाळेचे मुख्याध्यापक, सर्व शिक्षक, शिक्षणाधिकारी, माजी पंचायत समिती सदस्य, नेमळे गावचे सरपंच, उपसरपंच आणि ग्रामस्थ मोठ्या संख्येने उपस्थित होते. आपल्या एका अष्टपैलू विद्यार्थ्याला आणि गावातील लाडक्या सुपुत्राला निरोप देताना सर्वांचेच डोळे पाणावले होते. जतीनच्या पश्चात आई, वडील, छोटी बहीण, आजी, काका-काकी आणि चुलत भावंडे असा मोठा परिवार आहे. जतीन याच्या अशा या धक्कादायक मृत्यूमुळे परिसरातून हळहळ व्यक्त केली जात आहे.
Sindhudurg Airport: कोकणातील हवाई प्रवासाला वेग! एकमेव विमानतळावर आता 24 तास विमानसेवा; पर्यटकांचा कुठे-कसा फायदा?
दरम्यान, पोलीस निरीक्षक अमोल चव्हाण यांनी सांगितले की,मोबाईल घेऊन दिला नाही म्हणून त्यांने असे पाऊल उचलले अशी माहिती प्राथमिक चौकशीत समोर आली आहे अधिक तपास सावंतवाडी पोलीस करत आहेत.