दोन वर्षांपूर्वी बदलापूरमधील शाळेत चिमुकल्या विद्यार्थिंनीवर लैंगिक अत्याचार झाला. ते प्रकरण प्रचंड पेटलं. ज्या शाळेत चिमुकल्या मुलींवर लैंगिक शोषण त्या शैक्षणिक संस्थेचे सचिव तुषार आपटे यांना भाजपनं कुळगाव-बदलापूर नगरपरिषदेत स्वीकृत नगरसेवकपदी संधी दिली. लैंगिक शोषण प्रकरण उजेडात आल्यानंतर तुषार आपटे अनेक दिवस फरार होते. तब्बल ४४ दिवसांनंतर त्यांना कर्जतमधून अटक करण्यात आली होती. त्यानंतर अवघ्या ४८ तासांत त्यांना जामीन मंजूर झाला होता. नगर परिषद निवडणुकीत ते भाजपसाठी सक्रिय होते.
भाजपच्या गोटात घडामोडींना वेग, 20 जानेवारी महत्त्वाचा दिवस; मोदी, शहांसह दिग्गज उपस्थित राहणार
तुषार आपटे यांना स्वीकृत नगरसेवकपद देण्याचा निर्णय भाजपच्या चांगलाच अंगाशी आला. त्यानंतर प्रदेशाध्यक्ष रविंद्र चव्हाण यांच्या सुचनेवरुन आपटे यांनी नगरसेवकपदाचा राजीनामा दिला. यानंतर भाजपनं शगोफ गोरे यांची स्वीकृत नगरसेवकपदी वर्णी लावली. मात्र या निवडीलाही विरोध होताना दिसत आहे. पदाधिकाऱ्यांना विश्वासात न घेता स्वीकृत नगरसेवकांची यादी तयार करण्याचा आरोप झाला आहे. या प्रकरणी भाजपचे पदाधिकारी राम पातकर यांनी आपल्याच पक्षावर गंभीर आरोप केले आहेत.
आधी तावात बोलले, आता काकांबद्दल ‘तो’ प्रश्न येताच अजितदादांचे कानावर हात; म्हणाले, दिल्लीत मी…
‘प्रदेशाध्यक्षांनी जिल्हाध्यक्षांना एक पत्र दिलेलं आहे. त्यानुसार एक समिती नेमायला हवी. ती समिती नेमून कुळगाव-बदलापूर नगरपालिकेच्या पदाधिकाऱ्यांची बैठक बोलावली पाहिजे. नगरसेवकांची बैठक बोलावली पाहिजे. त्या बैठकीतून नावं येतील ती फायनल करायला हवी होती. पण कोणत्याही प्रकारचे रितीरिवाज न पाळता नावं जाहीर केलेली आहेत. ती नावं चुकीची आहेत. पक्षावर अन्याय करणारी आहेत. या नेमणुका रद्द करण्यासाठी पक्षाच्या पदाधिकाऱ्यांकडे मागणी केलेली आहे. या संदर्भात पक्ष गांभीर्यानं विचार करत आहे,’ असं पातकर म्हणाले.