‘कर्वेनगर परिसरात स्वच्छतागृहे, रस्ते, झोपडपट्ट्यांचे रखडलेले पुनर्वसन अशा अनेक नागरी समस्या आहेत. या समस्या न सोडविता सत्ताधारी पक्षाचे उमेदवार मते कशी मागतात? जनतेने नवीन कार्यकर्त्यांना संधी द्यावी, त्यानंतर हे मूलभूत प्रश्न सभागृहात मांडून सोडविण्याचे काम शिवसैनिक करतील. त्यासाठी मी ‘पोस्टमन’चे काम करीन,’ अशी ग्वाही त्यांनी दिली. ‘माझ्यासारख्या एका पानटपरीचालकाला शिवसेनेने मंत्री केले,’ असेही पाटील यांनी नमूद केले.

भाजपशी पंगा, तर चौकात दंगा -गोपीचंद पडळकर
मुख्यमंत्री देवेंद्र फडणवीस यांच्यामुळे मिळालेली खुर्ची नीट सांभाळा. ‘कराल भाजपशी पंगा, तर करू चौकात दंगा’ असा इशारा आमदार गोपीचंद पडळकर यांनी उपमुख्यमंत्री अजित पवार यांचे नाव न घेता दिला. पिंपरी-चिंचवड महापालिकेच्या निवडणुकीच्या निमित्ताने त्रिवेणीनगर येथे भारतीय जनता पक्षाच्या प्रचारार्थ रविवारी आयोजित सभेत ते बोलत होते. आमदार महेश लांडगे उपस्थित होते.

Devendra Fadnavis: गुंडांची जागा महापालिकेत नसून तुरुंगात; CM फडणवीसांनी टोचले अजित पवारांचे कान
आक्रमक शैलीत पडळकर यांनी पवार कुटुंबीयांवर हल्लाबोल केला. उपमुख्यमंत्री अजित पवार आणि आमदार रोहित पवार यांच्यावर कठोर टीका केली. अजित पवार यांच्या वक्तव्याची खिल्ली उडवून पडळकर यांनी ‘मी दहा वर्षांपासून पवारांच्या नादाला लागत आहे. ते माझे काहीही करू शकले नाहीत. मग महेश लांडगेंचे काय करणार?’ असा टोला लगावला.