राजू पाटील यांच्याकडे इशारा

डोंबिवली पश्चिमेकडील प्रभाग क्रमांक २२ मधील शिवसेना-भाजपच्या उमेदवारांच्या प्रचारासाठी ही सभा घेण्यात आली होती. ‘आपला मोठा मित्रदेखील लवकरच आपल्याबरोबर असेल,’ असे सूचक विधान प्रदेशाध्यक्ष चव्हाण यांनी माजी आमदार राजू पाटील यांचे नाव न घेता केले.डोंबिवली पश्चिमेकडे कोकणीबहुल वस्ती असून या मतदारांना आकर्षित करण्यासाठी महायुतीच्या उमेदवारांनी प्रचाराची धुरा कोकणी कार्यकर्त्यांवर सोपविली आहे. ‘डोंबिवली पश्चिम हा भाग उत्सवप्रेमी असून प्रत्येक मतदाराने चारही उमेदवारांच्या पाठीशी खंबीरपणे उभे राहावे. तुमचे मतदान हे विकासाला असून भ्रष्टाचारमुक्त प्रशासनासाठी मतदान करा,’ असे आवाहन चव्हाण यांनी कार्यकर्ता मेळाव्यात केले.

‘चाळी, धोकादायक घरांमध्ये राहणाऱ्या प्रत्येकाला हक्काचे घर केवळ महायुतीच देऊ शकते, चाळींचा विकास क्लस्टरच्या माध्यमातूनच करणे शक्य आहे. मुंबईच्या धर्तीवर क्लस्टर योजना या शहरातदेखील राबवली जाईल,’ असे आश्वासन त्यांनी मतदारांना दिले.
एकामागून एक वॉर्डनिहाय मतमोजणी, BMC Election निकाल लांबणार, नेमकी कशी प्रक्रिया पार पडणार? वाचा सविस्तर

मोठा मित्र लवकरच येणार

‘चर्चा अनेक असतात. मात्र मित्र बरेच दिवस वेगवेगळे राहू शकत नाहीत. यामुळेच आमचे अनेक वर्षांचे मित्र असलेले मनसे शहराध्यक्ष मनोज घरत यांनी आज मित्रत्वाच्या नात्याने भाजपमध्ये प्रवेश केला. मोठा मित्र लवकरच येईल. आपली मैत्री राजकारणाच्या पलीकडील असून हे नाते टिकविण्याची जबाबदारी आपली सर्वांची आहे,’ असे ते म्हणाले.

दगडू सकपाळ शिंदे गटात दाखल

दुसरीकडे, शिवसेना उबाठा पक्षाचे माजी आमदार दगडू सकपाळ यांनी रविवारी उपमुख्यमंत्री एकनाथ शिंदे यांच्या नेतृत्वाखालील शिवसेनेत जाहीर प्रवेश केला. यावेळी लालबाग-परळ या बालेकिल्ल्यातील शेकडो पदाधिकारी आणि कार्यकर्त्यांनी शिवसेनेचा झेंडा हाती धरला. हा शिवसेना उबाठा पक्षासाठी एक धक्का मानला जात आहे.
Maharashtra Politics : श्रीकांत शिंदेंचा भाजपला चेकमेट, शिवसेनेने ‘कमळा’चा सत्तेचा डाव उधळला, महापालिकांच्या तोंडावर गेम कसा फिरला?
शिंदे यांच्या ‘नंदनवन’ या सरकारी निवासस्थानी रविवारी सकाळी ११ वाजता हा पक्षप्रवेश सोहळा झाला. अलिकडेच शिवडीमधील प्रचार रॅलीदरम्यान एकनाथ शिंदे यांनी सकपाळ यांची घरी जाऊन भेट घेतल्यानंतर चर्चांना उधाण आले होते.