दादरमधला हा टिळक ब्रिज 1925 ब्रिटिशांनी उभारलेला होता. हा ब्रिटीशकालीन टिळक पूल दादरमधील रेल्वे रुळावरुन पूर्व आणि पश्चिमेला जोडणारा एक महत्त्वाचा इंटरचेंज, महत्त्वाचा मार्ग म्हणून काम करतो. पण जुना झालेला पूल 2019 मध्ये महानगरपालिकेने वापरण्यास योग्य नसल्याचं सांगितलं. गणेशोत्सवादरम्यान, या पुलावर मोठी गर्दी असते. अशात पुलाची धोकादायक स्थिती लक्षात घेता नवीन पूल अत्यंत आवश्यक असल्याची माहिती वरिष्ठ अधिकाऱ्यांनी दिली.
Mumbai News : मुंबईतील आणखी एका पुलाची दुरावस्था; तुटलेल्या पायऱ्या, कचऱ्याचा ढिग… धोकादायक स्थितीत शाळकरी मुलं, वृद्धांची ये-जा
महापालिकेने या पुलाला समांतर नवा केबल-स्टेड पूल बांधण्याचा प्रस्ताव मांडला. त्यानंतर काम सुरू झालं. त्यानंतर नवा पूल जुन्या टिळक पुलाच्या समांतर बांधण्यास सुरूवात झाली. नवीन बांधकाम जुन्या टिळक पुलाच्या समांतर बांधलं जात असल्याने सध्या प्रवाशांची गैरसोय होत नाही. जुना पूल नवीन पूल पूर्ण होईपर्यंत सुरू असून, यामुळे वाहतूक विस्कळीत होणार नाही. नवीन पूल वाहनचालकांसाठी खुला झाल्यानंतर, हा ब्रिटीशकालीन पूल, ही जुनी रचना पाडली जाईल.

दादरमधला हा टिळक ब्रिज दोन टप्प्यात बांधला जात आहे. पहिला टप्पा एप्रिल 2026 पर्यंत पूर्ण होण्याची शक्यता आहे. पहिल्या टप्प्याचं काम सध्या 70 टक्के पूर्ण झालं आहे. हा पहिला टप्पा, अर्थात हा पहिल्या टप्प्यातील ब्रिज तीन पदरी बांधला जात आहे. तीन वाहन मार्गांचा समावेश असलेला हा टिळक पूल पूर्व-पश्चिम दोन्ही वाहतुकीसाठी फायद्याचा ठरणार आहे. सध्या, पुलाच्या पहिल्या टप्प्यातील सर्व पायाभूत काम पूर्ण झालं आहे, तर गर्डर आणि सुपरस्ट्रक्चरचं काम वेगात सुरू आहे.
Asangaon to Kasara Local : आसनगाव-कसारा चौथ्या मार्गिकेला मंजुरी, आता लोकल आणि मेल एक्स्प्रेससाठी स्वतंत्र्य मार्ग; मध्य रेल्वेच्या बांधकाम विभागाकडून…
पहिला तीन पदरी पूल बांधून पूर्ण झाल्यानंतर ब्रिटीशकालीन जुना झालेला पूल पाडला जाणार आहे. हा पूल पाडल्यानंतर नवीन पुलाचा दुसरा टप्पा सुरू केला जाईल. हा दुसरा टप्पा आणखी तीन पदरी असेल. पहिला टप्पा पूर्ण झाल्यानंतर दुसरा टप्पा पुढील 18 महिन्यांत बांधला जाईल. नवा टिळक पूल एकूण 6 पदरी असून हा संपूर्ण पूल उभारण्याचं काम 2028 पर्यंत पूर्ण होईल, अशी माहिती आहे.

कसा असेल दादरमधील नवा पूल

मुंबई महापालिका आणि महाराष्ट्र रेल्वे इन्फ्रास्ट्रक्चर डेव्हलपमेंट कॉर्पोरेशन अर्थात एमआरआयडीसी हे दोघे मिळून हा पूल उभारत आहेत. या पुलाचा एकूण खर्च 375 कोटी रुपये इतका आहे. नवा टिळक ब्रिज 600 मीटर लांबीचा असेल. तसंच हा पूल 6 पदरी असेल. हे तीन-तीन पदरी असेल जुळे पूल दोन टप्प्यात बांधले जात आहे. दोन्ही जुळ्या पुलांची रुंदी 16.7 मीटर आहे. आधीच्या ब्रिटीशकालीन पुलापेक्षा हा नवा पूल अधिक रुंद बांधण्यात येत आही. यामुळे एकाच वेळी अनेक वाहनं या मार्गावरुन प्रवास करू शकतील.