पुण्यात गेल्या आठवड्यात थंडीचा जोर ओसरला होता. कमाल आणि किमान तापमानात सरासरीपेक्षा जास्त वाढ झाली होती. दोन दिवस ढगाळ वातावरण होते. कडाक्याच्या थंडीने विश्रांती घेतल्याने पुणेकरांनी सुस्कारा सोडला. मात्र, बुधवारी तापमानाचा पारा दहा अंशाच्या खाली आला. गुरुवारीदेखील तापमानात आणखी घट नोंदविण्यात आली. सकाळी थंडीमुळे पुणेकरांना हुडहुडी भरली. ऊन पडल्यावर थंडीचा जोर ओसरेल, अशी चर्चा होती. पण दिवसभर हवेत गारवा कायम राहिल्याने नागरिक स्वेटर घालून फिरताना दिसले. दिवसभरात कमाल २७.३ अंश सेल्सिअस तापमान नोंदविण्यात आले. नाशिकमध्येही हुडडी कायम असून निफाडमध्ये थंडीने एका तरुणाचा मृत्यू झाल्याची घटना घडली आहे.

Pune News: भयंकर! पुण्यात भटक्या कुत्र्यांचा तरुणावर हल्ला; शरीराचे अक्षरश: लचके तोडले, 10 फूट फरफटत नेलं अन्…
काश्मीरमध्ये थंडीचा प्रकोप
श्रीनगर: काश्मीर खोऱ्यात शीतलहरीचा प्रकोप वाढत असून, तापमान खाली घसरले आहे. श्रीनगरमध्ये शुक्रवारी रात्री मोसमातली सर्वाधिक थंडीची नोंद झाली. यामुळे दल तलावाचा आतील भागही गोठल्याचे पाहायला मिळाले. श्रीनगरमध्ये तापमान ४.१ अंशांपेक्षाही कमी नोंदले गेले. पहलगाममध्ये तापमान ७ अंशांपेक्षाही कमी होते. कुपवाडात ५.८, सोनमर्गमध्ये ५.४ अंश सेल्सिअसपर्यंत तापमान घसरले.

Maharashtra Weather : मुंबईत ढगाळ वातावरण, तर राज्यातील काही भागात पावसाचा अंदाज; पुढील 7 दिवस कसं असेल हवामान?
शहरातील किमान तापमान (अंश सेल्सिअसमध्ये)
मगरपट्टा : १५.३
चिंचवड : १४.२
हडपसर : ११.६
आंबेगाव : १०
तळेगाव : ९.८
शिवाजीनगर : ८.४
पाषाण : ८.३
एनडीए : ६.९
हवेली : ६.९