अपघातात उजव्या फुफ्फुसाची श्वासनलिका तुटलेल्या 30 वर्षीय सोहन संजीवकुमार माळवे यांच्यावर अत्यंत जोखमीची शस्त्रक्रिया यशस्वी करून सीपीआरमधील डॉक्टरांनी त्यांना नवजीवन दिले आहे. भूल देणे किंवा व्हेंटिलेटर लावणे अशक्य असलेल्या या रुग्णाला ‘फेमोरो-फेमोरल बायपास’ तंत्राने हार्ट-लंग मशीनवर घेऊन चार तासांत श्वासनलिका पूर्ववत करण्यात आली. ही भारतातील पहिलीच अशी यशस्वी शस्त्रक्रिया असल्याचे अधिष्ठाता डॉ. सदानंद भिसे व मुख्य शस्त्रकार डॉ. किशोर देवरे यांनी गुरुवारी पत्रकार परिषदेत अधिकृतपणे जाहीर केले. 15 दिवसांच्या उपचारांनंतर सोहन ठणठणीत बरे होऊन डिस्चार्ज झाले असून, कुटुंबीयांसह डॉक्टरांचे त्यांनी मनःपूर्वक आभार मानले आहेत.
Kolhapur Accident: बाईकचा वेग तरुणाच्या जीवावर बेतला; भीषण अपघातात प्रशांतचा जागीच मृत्यू, दोन्ही वाहनांचा चक्काचूर

अपघाताची भयावह रात्र; किणीला दुचाकी धडक

कळे (ता. पन्हाळा) गावातील सोहन संजीवकुमार माळवे (वय 30) हे अनाथ तरुण आहेत. आई-वडील नसल्याने बहिण श्रुती आणि भाऊजी पराग पट्टण यांच्यावर अवलंबून आहेत. नोकरीसाठीची मुलाखत देण्यासाठी 30 नोव्हेंबर 2025 रोजी दुचाकीवरून पुण्याला निघाले. रात्रीच्या प्रवासात किणी गावाजवळ डिव्हायडर न दिसल्याने दुचाकी दुभाजकाला धडकली. छातीला जबरदस्त धक्का बसला, तरी बाह्य जखम दिसली नाही. घरी पोहोचल्यानंतर छातीत असह्य वेदना सुरू झाल्या. स्थानिक खासगी रुग्णालयात दाखल केल्यानंतर सीटी स्कॅन आणि रेडिझिओग्राफीत उजवे फुफ्फुस तसेच मुख्य श्वासनलिका (ब्रॉन्कस) पूर्णपणे तुटल्याचे निदान झाले. ऑक्सिजन सॅच्युरेशन 30 टक्क्यांपर्यंत खाली आले. श्वासबाधा आणि रक्तस्रावामुळे जीव धोक्यात सापडला. मुंबई किंवा पुण्यातील तज्ज्ञांकडे हलविण्याचा सल्ला मिळाला, पण वेळ आणि खर्च यामुळे ते अशक्य होते.
अजितदादांच्या धुरंधर नेत्याविरोधात भाजपची फिल्डींग; विधानसभेला सव्वा लाख मतं घेणारा नेता परतणार

सीपीआरमध्ये फेमोरो बायपास तंत्राचा वापर

30 नोव्हेंबरला बहीण श्रुती यांनी सोहनला सीपीआरमध्ये दाखल केले. इथे डिजिटल सीटी अँजिओग्राफी व ब्रॉन्कोस्कोपीने श्वासनलिकेचे पूर्णपणे विचलित झाल्याचे स्पष्ट झाले. हृदयशस्त्रविशारद डॉ. किशोर देवरे आणि सहकारी डॉ. भूपेंद्र पाटील यांनी तात्काळ शस्त्रक्रियेचा निर्णय घेतला. पारंपरिक भूल किंवा व्हेंटिलेटर अशक्य असल्याने ‘फेमोरो-फेमोरल बायपास’ तंत्राने हार्ट-लंग मशीनवर घेतले. यात फेमोरल नसा आणि रक्तवाहिन्यांद्वारे शरीराचे श्वसन-रक्तप्रवाह मशीनकडे वळवला गेला. छाती उघडून तुटलेली श्वासनलिका, रक्तवाहिन्या प्रोलेन आणि पॉलीप्रॉपिलीन धाग्यांनी सूक्ष्म सूत्रांनी शिवल्या गेल्या. चार तासांच्या या शस्त्रक्रियेनंतर दोन दिवस व्हेंटिलेटरवर राहून सोहनाने स्वतंत्र श्वास घेतला. डॉ. भिसे म्हणाले, “ही शस्त्रक्रिया जागतिक स्तरावर दुर्मीळ असून, सीपीआरने वैद्यकीय इतिहास रचला.”
Kolhapur News : रिल्सच्या स्पर्धेतून फोटोग्राफरला सुपारी देऊन लूट; सात जणांना अटक, रंकाळा तलावाजवळ बोलावंल अन्… कोल्हापूरात खळबळ

वैद्यकीय पथकाचे बहुमाननीय योगदान..

पत्रकार परिषदेला वैद्यकीय अधीक्षक डॉ. भूषण मिरजे, समाजसेवा अधीक्षक शशिकांत राऊळ उपस्थित होते. शस्त्रक्रियेसाठी भूलतज्ज्ञ डॉ. माजीद मुल्ला, डॉ. हेमलता देसाई, डॉ. संदीप मोहिते, डॉ. पल्लवी पवार, नर्स दीपाली जाधव, रेखा पाटील, परफ्यूजनिस्ट अरुण पाटील, रॉजर कडम, विनोद पवार, अभिजित समुद्रे, अमोल ब्रदर, नितीन पोफळकर, सचिन जठार, नीलेश कांबळे यांचे अथक सहकार्य लाभले. सोहन म्हणाले, “डॉक्टरांनी मला देवदूताप्रमाणे वाचवले.” ही यशस्वी शस्त्रक्रिया सीपीआरच्या वैद्यकीय क्षमतेचे द्योतक असून, स्थानिक रुग्णांसाठी आशेची किरण ठरली आहे.