Marathi Live News: राज्यातील महापालिका निवडणुकांना काहीच दिवस शिल्लक असून प्रचाराला वेग आला आहे. महापालिका निवडणुकांसाठी ठाकरे बंधू एकत्र आले असून त्यांची पहिली प्रचारसभा काल नाशिकमध्ये पार पडली. २०१७ ते २०२२ या काळात नाशिकमध्ये भाजपची सत्ता होती, तर त्याआधी मनसेची सत्ता होती. याच पार्श्वभूमीवर राज ठाकरे यांनी दोन्ही पक्षांच्या कामांची तुलना करत भाजपवर टीका केली. दरम्यान, मुंबईत भाजप आणि शिंदे गटाच्या शिवसेनेची युती असली तरी प्रचारादरम्यान दोन्ही पक्षांच्या घोषणाबाजीमुळे वातावरण तापल्याचं पाहायला मिळालं. काही ठिकाणी कार्यकर्ते एकमेकांसमोर उभे ठाकल्याने राजकीय तणाव वाढल्याचं चित्र आहे.