नऊ जखमींपैकी तीन कामगारांना दौंड येथील एका खाजगी रुग्णालयात तर सहा कामगारांना पुणे येथे उपचारासाठी पाठविण्यात आले आहे. हा स्फोट दुपारी एक वाजण्याच्या सुमारास झाल्याची माहिती आहे. यावेळी हॉटेलमध्ये ग्राहक नव्हते अन्यथा मोठा अनर्थ घडला असता, असं सांगितलं जात आहे. सिलेंडरचा स्फोट मोठा असल्याने हॉटेलच्या किचन मधील भांडी आणि अन्न अस्ताव्यस्त पडले होते.

सुमारे दहा ते अकरा सिलेंडर किचन रूममध्ये होते. अचानक स्फोट झाला, यावेळी हॉटेलवरचे पत्रे देखील उडून गेले आहे. तर ग्राहकांच्या बैठक व्यवस्थेतील काचा खिडक्या तुटून बाहेर पडल्या. खुर्च्या टेबलही उडाले आहेत. या हॉटेलमध्ये ग्राहकांची गर्दी असते. पण, सुदैवाने त्यावेळी ग्राहकांची गर्दी नसल्याने पुढील अनर्थ टळला आहे. मात्र, या घटनेने परिसरात भीतीचे वातावरण पसरले आहे. घटनास्थळी पोलिसांनी पंचनामा केला असून याप्रकरणाचा अधिक तपास दौंड पोलिस करीत आहे.
लग्नापूर्वी भेटायला हिरो बनून यायचा, लग्न होताच नव्या नवरीला कळलं पतीचं भयंकर सत्य, पहिल्या रात्रीच…
या घटनेची माहिती मिळताच दौंड नगर परिषदेच्या अग्निशामक दलाने तातडीने घटनास्थळी धाव घेतली. अग्निशामक दलाच्या जवानांनी प्रसंगावधान राखत आग विझवली आणि परिस्थिती नियंत्रणात आणली. त्यामुळे पुढील मोठा अनर्थ टळला. मात्र स्फोटामुळे हॉटेलमधील स्वयंपाकघराचे मोठे नुकसान झाले असून काही साहित्य जळून खाक झाले आहे.

स्फोटाच्या वेळी हॉटेलमध्ये काम सुरू होते. अचानक झालेल्या स्फोटामुळे कामगारांमध्ये घबराट पसरली. भाजलेल्या कामगारांना तात्काळ उपचारासाठी नजीकच्या रुग्णालयात दाखल करण्यात आले आहे. या स्फोटाचे नेमके कारण अद्याप स्पष्ट झाले नसले तरी गॅस गळतीमुळे स्फोट झाला असावा, असा प्राथमिक अंदाज व्यक्त केला जात आहे.
Crime News: आई म्हणाली, आधी सर्वांना संपव, मग..; शिव मंदीर, धोत्र्याचा लाडू अन् मफलर; तरुणाकडून कुटुंबाचा शेवट
पोलिसांनी घटनास्थळी पंचनामा करून तपास सुरू केला असून गॅस सिलेंडरची स्थिती, सुरक्षेची उपाययोजना आणि नियमांचे पालन झाले होते का, याची चौकशी करण्यात येत आहे. या घटनेमुळे दौंड-पाटस रोडवरील वाहतूक काही काळ विस्कळीत झाली होती. स्थानिक नागरिकांनी आणि हॉटेल कर्मचाऱ्यांनी मदतकार्य करत अग्निशामक दलाला सहकार्य केले. प्रशासनाने नागरिकांना अफवांवर विश्वास न ठेवण्याचे आणि सुरक्षिततेच्या दृष्टीने खबरदारी घेण्याचे आवाहन केले आहे.

या भीषण घटनेने परिसरात भीतीचे वातावरण पसरले असून भविष्यात अशा दुर्घटना टाळण्यासाठी हॉटेल व व्यावसायिक आस्थापनांमध्ये गॅस सुरक्षिततेच्या नियमांची काटेकोर अंमलबजावणी करण्याची मागणी नागरिकांकडून केली जात आहे.