ठाणे महापालिका निवडणुकीच्या निमित्ताने के. व्हिला विभागातील होली क्रॉस कॉन्व्हेंट मुलींच्या शाळेच्या आवारात मतदान केंद्र उभारण्यात आले आहे. मात्र, हे केंद्र उभारताना संबंधित कंत्राटदाराने चक्क खेळाडूंच्या नियमित सरावाच्या ॲथलेटिक्स ट्रॅकवरच अतिक्रमण केले आहे. याबाबतीत संबंधित महापालिका अधिकाऱ्यांशी संपर्क साधूनही मतदान केंद्राचा तंबू हटविण्यात आलेला नाही. त्यामुळे खेळाडूंची गैरसोय होत आहे.

भाजप-काँग्रेसची युती, पहिली विकेट पडली; प्रदेशाध्यक्षांनी फर्मान काढलं, मोठी कारवाई
शाळेच्या आवारात अन्य ठिकाणी मतदान केंद्र उभारता आले असते. मात्र, तसे न करता थेट क्रीडांगणावर तंबू ठोकण्यात आला. त्यासाठी ठिकठिकाणी खड्डे खोदण्यात आले. यासंदर्भात शाळेच्या प्रतिनिधींनी महापालिका प्रशासनाशी संपर्क साधला. प्रशासनाने मतदान केंद्र अन्य ठिकाणी हलविण्याच्या तोंडी सूचना संबंधित ठेकेदाराला दिल्या. प्रत्यक्षात काहीच झाले नाही. खेळाडूंच्या सरावाच्या जागेवरील तंबू अद्याप कायम असल्याचे शाळेच्या ॲथलेटिक्स प्रशिक्षक संध्या मांद्रेकर यांनी सांगितले. यासंदर्भात महापालिका प्रशासनाची बाजू समजून घेण्यासाठी संबंधित अधिकाऱ्यांशी संपर्क साधण्याचा प्रयत्न केला, परंतु प्रतिसाद मिळाला नाही.

या मैदानात सराव आणि प्रशिक्षण घेतलेल्या शालेय विद्यार्थ्यांनी राज्य आणि राष्ट्रीय स्तरावरील अँथेलॅटिक्स स्पर्धांमध्ये चमकदार कामगिरी करून पारितोषिक पटकावली आहेत.

Thane News : ठाण्यात ठाकरेंचा सर्वात मोठा गेम, पक्षाच्या उमेदावारांचा अर्ज बाद, तरीही हार मानली नाही, आता मोठी खेळी
१२५ खेळाडूंचा सराव धोक्यात
शाळेच्या या मैदानात माध्यमिक विभागाचे ७५ आणि प्राथमिक विभागाचे ४० विद्यार्थी नियमित सराव करतात. १७जानेवारीपासून त्यांच्या स्पर्धा आहेत. त्यात आता निवडणुकांमुळे त्यांच्या सरावाच्या जागी मतदानाचा तंबू ठोकण्यात आल्याने त्यांची पंचाईत झाली आहे. निवडणुकीचे काम महत्वाचे आहेच, पण तंबू उभारताना शाळा व्यवस्थापनाला कंत्राटदाराने विश्वासात घेणे गरजेचे होते, असे शाळा व्यवस्थापन, खेळाडू आणि त्यांच्या पालकांचे मत आहे.