सोडगीर यांना संपर्क साधला असता ते म्हणाले, ‘मी अनेक वर्ष युवक काँग्रेसचे काम केले. मी प्रभागातसुद्धा सक्रिय होतो. माझे काम बघूनच विकास ठाकरेंनी मला त्यांच्याकडे कामावर ठेवले. मी त्यांचे प्रसिद्धीचे काम बघितले तसेच प्रभागाचा समन्वयक म्हणूनही काम केले. मला पक्षाने उमेदवारी नाकारली, यापेक्षा माझ्या जागेवर आमच्या प्रभागाबाहेरील व्यक्तीला उमेदवारी दिली याची खंत आहे. अनेक कार्यकर्त्यांनी यावर नाराजी व्यक्त केली व मला निवडणूक लढण्याची विनंती केल्याने मी राष्ट्रवादीकडून अर्ज दाखल केला.’

भाजपसारखीच काँग्रेसमध्येही बंडखोरीची स्थिती दिसून येत आहे. यात पश्चिम व उत्तरमध्ये सर्वाधिक बंडखोरी झाल्याचे कळते. तिकडे पूर्व नागपूरमध्ये एबी फॉर्म न मिळाल्याने पुरुषोत्तम हजारे यांनी अपक्ष उमेदवारी दाखल केली. माजी नगरसेवक नितीन साठवणे यांनी राष्ट्रवादी काँग्रेस (अजित पवार गट)कडून प्रभाग २१ मधून नामांकन दाखल केले आहे. माजी नगरसेवक कमलेश चौधरी यांनीही अपक्ष अर्ज दाखल केला असून, प्रभाग २८ मधून उमेदवारी न मिळाल्याने परमेश्वर राऊत यांनी काँग्रेसचा राजीनामा दिला आहे. तसेच उत्तर नागपूरचे काँग्रेसचे संदीप सहारे यांनी वंचित बहुजन आघाडीत प्रवेश करून प्रभाग क्रमांक ७ मधून अर्ज दाखल केला.

उत्तर नागपूरमध्ये ब्लॉक १३ चे अध्यक्ष सतीष पाटील यांनी राजीनामा दिला. त्यांनी राष्ट्रवादीकडून (अप) आपल्या पत्नीची उमेदवारी दाखल केली आहे. तिकडे मध्य नागपुरात प्रभाग क्रमांक आठमधून माजी नगरसेवक झुल्फिकार भुट्टो यांनी तर मोतीराम मोवाडीकर यांनी प्रभाग क्रमांक २० मधून अर्ज भरला आहे. मोवाडीकर हे गेल्या निवडणुकीत अवघ्या १३८ मतांनी हरले होते. त्यांच्या जागी नवख्या उमेदवाराला पक्षाने पसंती दाखविल्याने त्यांनी बंडखोरी केल्याचे कळते.
Uddhav Thackeray : ठाकरेंचे एक-दोन नव्हे 82 उमेदवार बाद करण्याची खेळी, भाजपचा मोठा डाव उलटला, कारण ठरलं…

सख्खे भाऊ एकमेकांविरुद्ध

भाजपचे धर्मपाल मेश्राम आणि त्यांचे सख्खे भाऊ यशवंत मेश्राम हे एकमेंकांविरुद्ध उभे आहेत. भाजपने धर्मपाल यांना प्रभाग क्रमांक २६ ए मधून उमेदवारी दिली आहे तर यशवंत हे याच प्रभागातून वंचित बहुजन आघाडीकडून लढत आहेत.

कुमेरियांचे दोन प्रवर्गांत अर्ज

शिवसेनेत (उबाठा) प्रभाग क्रमांक २८मध्ये अंतर्गत कलह झाल्याचे दिसून येते. माजी उपमहापौर किशोर कुमेरिया यांनी सुरुवातीला ओबीसी प्रवर्गातून अर्ज दाखल केला. दरम्यान नितीन तिवारी सर्वसाधारण प्रवर्गातून लढणार असे ठरले. मात्र, कुमेरियांनी अचानक सर्वसाधारण प्रवर्गातही अर्ज दाखल केला. कुमेरिया ओबीसी प्रवर्गातून अर्ज मागे घेतील असे कळते. पक्षाच्या फॉर्मवर कुमेरियांचे नाव असल्याने तिवारींचा अर्ज बाद होईल, अशी चर्चा आहे. तिवारींना या प्रकाराची तक्रार उद्धव ठाकरेंकडे केल्याची माहिती प्राप्त झाली आहे.
Sheetal Devrukhakar Sheth : आदित्य ठाकरेंना धक्का, विश्वासू महिला नेत्याने 22 वर्षांची साथ सोडली; म्हणाल्या, मी जड अंतःकरणाने…

शिवसेनेचा बाप लेकीवर विश्वास

शिवसेनेने (उबाठा) बाप लेकी दोघांनाही उमेदवारी दिली आहे. पक्षाने योगेश गोन्नाडे यांना प्रभाग क्रमांक ५ ब मधून तर त्यांची मुलगी कृत्तिका हिला प्रभाग क्रमांक ८अमधून उमेदवारी दिली आहे. भाजपसोबत युती झाल्याने या दोघांना भाजपचे समर्थन आहे.