नववर्ष सुरू होताना, भुयारी मेट्रो-३ प्रशासनाने बुधवार-गुरुवार या दरम्यानच्या रात्रभर सेवा सुरू ठेवण्याचा निर्णय घेतला होता. त्यानंतर आता मेट्रो-१ प्रशासनानेही मध्यरात्रीनंतर सेवा सुरू ठेवण्याचा निर्णय घेतला आहे.

Bhandup Bus Accident: मानसीने 20 वर्षे रुग्णांची केली सेवा, वर्षा उद्याच रुजू होणार होती; पण भांडूपमधील ‘ती’ रात्र दोघींसाठी काळ ठरली

कसं असेल वेळापत्रक?

मेट्रो-१च्या सेवा सध्या दररोज पहाटे ५.३० ते रात्री ११.२६ या वेळेत सुरू असतात. आज बुधवारी त्यानंतर अतिरिक्त सेवा असतील. रात्री ११.२६ वा. वर्सोवा येथून घाटकोपरसाठी, तर घाटकोपर येथून वर्सोव्यासाठी रात्री ११.५२ वाजता अतिरिक्त गाडी रवाना होईल. अतिरिक्त सेवेतील अखेरची गाडी मध्यरात्रीनंतर (गुरुवार पहाटे) २.१४ वाजता वर्सोवा येथून, तर २.४० वाजता घाटकोपर येथून रवाना होईल. या दरम्यान २८ अतिरिक्त फेऱ्यांची सेवा असेल. यामुळे आता बुधवार व गुरुवार पहाटेपर्यंतच्या एकूण फेऱ्यांची संख्या ५०४ असेल. या मार्गिकेवर गर्दीच्या वेळेत दर तीन मिनिटे २० सेकंदांनी, तर कमी गर्दीच्या वेळेत पाच मिनिटे ५५ सेकंदांनी एक गाडी असते. अतिरिक्त सेवेदरम्यान दर १२ मिनिटांनी एक गाडी असेल, असे मुंबई मेट्रो वन प्रा. लिमिटेडने कळविले आहे.

मुंबईकर नववर्षाच्या स्वागतासाठी सज्ज

दरम्यान, सरत्या वर्षाचा सूर्यास्त पाहत आणि नव्या वर्षाचे स्वागत सूर्योदयाने करत नव्या आठवणी गोळा करण्यासाठी मुंबईकर समुद्रकिनारे, टेरेस रेस्टॉरंट, स्वतःच्या इमारतीच्या गच्चींवर, छोटेखानी कार्यक्रम करण्यासाठी कायमच प्रयत्न करतात. काही वेळा मुंबईपासून जवळ तर काही वेळा मुंबईतच मरिन ड्राइव्ह, गिरगाव चौपाटी, वरळी, जुहू येथे मुंबईकर गोळा होतात. या नव्या वर्षाच्या स्वागताच्या उत्साहासाठी मुंबईतील हॉटेल, फूड आऊटलेटही सज्ज झाले असून नव्या वर्षाच्या स्वागताचे जोरदार नियोजन सुरू झाले आहे. उत्साही मुंबईकरांनी आतषबाजीचीही तयारी केली असून या शतकाची तब्बल २५ वर्षे ओलांडल्याची महत्त्वाची जाणीवही या सेलिब्रेशनमध्ये आहे.

Special Local : 31 डिसेंबरसाठी खास सुविधा; कल्याण, पनवेल आणि विरारपर्यंत मध्यरात्रीही लोकल, भुयारी मेट्रोचीही उद्या रात्रभर सेवा

कोकण, गोवा मार्गावरील रस्त्यांवरची वर्दळ वाढली असून नववर्षाच्या निमित्ताने ही वाहतूक टाळत मुंबईकरांनी मढ, शहापूर अशा ठिकाणीही पार्टीसाठी मोर्चा वळवला आहे. कोंडी टाळून निसर्गरम्य आणि निवांत ठिकाणी जाण्यासाठी कमीत कमी प्रवास असा पर्याय काही मुंबईकरांनी या माध्यमातून शोधला आहे तर युवा पिढी मुंबईत होणाऱ्या विविध पार्ट्यांना हजेरी लावण्यास उत्सुक आहे.