महिमा ही देवकर कॉलेजच्या हॉस्टेलमध्ये राहून नर्सिंगचा अभ्यासक्रम पूर्ण करत होती. रविवारी 28 डिसेंबर रोजी दुपारी 3 वाजता तिने नेहमीप्रमाणे कपडे धुतले आणि त्यानंतर तिला अचानक अस्वस्थ वाटू लागलं. ती आपल्या खोलीत परतली असता, तिला चक्कर आली आणि ती जमिनीवर कोसळली. हा प्रकार लक्षात येताच तिच्या सोबतच्या मैत्रिणींनी तिला तातडीने जिल्हा शासकीय वैद्यकीय महाविद्यालय आणि रुग्णालयात दाखल केलं. मात्र, दुर्दैवाने वैद्यकीय अधिकाऱ्यांनी तपासणीअंती तिला मृत घोषित केलं.
Beed News : खोलीचा दरवाजा आतून बंद, शाळकरी मुलगी बराच वेळ बाहेर येईना; कुटुंबीयांनी शोध घेतला आणि…; समोरील दृष्याने सगळेच हैराण
सोमवारी 29 डिसेंबर रोजी सकाळी 10 वाजेच्या सुमारास महिमाच्या मृतदेहाचं शवविच्छेदन करण्यात आलं. यावेळी जिल्हा रुग्णालयात तिच्या सोबत शिक्षण घेणाऱ्या विद्यार्थिनींनी आणि मैत्रिणींनी मोठी गर्दी केली होती. आपल्या लाडक्या मैत्रिणीचा मृतदेह पाहताच विद्यार्थिनींनी एकच आक्रोश केला. रुग्णालय परिसर हेलावून गेला होता. शवविच्छेदनानंतर मृतदेह शोकाकुल वातावरणात नातेवाईकांच्या ताब्यात देण्यात आला.

या घटनेबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. महिमाच्या मृत्यूचं नेमके कारण शवविच्छेदन अहवालानंतर स्पष्ट होईल. या प्रकरणाचा पुढील तपास सहाय्यक पोलीस निरीक्षक गणेश वाघ करत आहेत. रुग्ण सेवेचं स्वप्न उराशी बाळगून भंडाऱ्याहून जळगावात आलेल्या एका तरुण विद्यार्थिनीचा असा अंत झाल्याने सर्वत्र दुःख व्यक्त केलं जात आहे.