पोलिसांनी दिलेल्या माहितीनुसार, आरोपी आकाश दोडके वाहनचालक म्हणून काम करतो; प्रियांका गृहिणी होती. त्यांचा विवाह १८ फेब्रुवारी २०१८ रोजी झाला होता. विवाहानंतर आकाश पत्नीच्या चारित्र्यावर संशय घेत होता. मूल होत नसल्याच्या कारणावरून तो प्रियांकाला वारंवार मारहाण करीत होता. या त्रासाबाबत प्रियांकाने तिच्या भावाला व माहेरच्या नातेवाइकांना माहिती दिली होती. त्यामुळे गेल्या तीन वर्षांपासून ती पतीसोबत न राहता भावाकडे राहत होती. आठ दिवसांपूर्वी आरोपी आकाशने पुन्हा एकत्र नांदण्याचे सांगून प्रियांकाला फोन केला. त्यानुसार ती पुण्यात त्याच्याकडे राहायला आली होती.
Bhimashankar Temple: पुढील तीन महिने भीमाशंकर मंदिर भाविकांसाठी बंद; ‘या’ दिवसांत मात्र दर्शन सुरू, कारण काय?
प्रियांका २५ डिसेंबरला पुन्हा नानगाव (दौंड) येथील भावाच्या घरी गेली होती. मात्र, दुसऱ्या दिवशी सकाळी ११ वाजता ती पुन्हा पुण्याला निघून गेली. त्यानंतर तिच्याशी संपर्क होत नसल्याने कुटुंबीयांना संशय आला. २६ डिसेंबरला रात्री आरोपी आकाशने भेकराईनगर येथील घरात प्रियांकाचा गळा आवळून खून केल्याचे पोलिस तपासात निष्पन्न झाले आहे.
Pune News : अजित पवारांच्या शिलेदाराकडून भाजपवर थेट ईव्हीएम मशीनबाबत धक्कादायक आरोप, राजकारण तापलं
खून केल्यानंतर आरोपी आकाश स्वतः हडपसर पोलिस ठाण्यात हजर झाला आणि पत्नीचा खून केल्याची माहिती दिली. ही घटना फुरसुंगी पोलिस ठाण्याच्या हद्दीत घडल्याने हडपसर पोलिसांनी तत्काळ फुरसुंगी पोलिसांना माहिती दिली. त्यानंतर फुरसुंगी पोलिसांनी आरोपीला त्याच्या राहत्या घरी नेऊन तपास केला. प्रियांकाला उपचारासाठी ससून सर्वोपचार रुग्णालयात दाखल करण्यात आले होते. मात्र, उपचारांपूर्वीच तिचा मृत्यू झाल्याचे डॉक्टरांनी घोषित केले. त्यानंतर कुटुंबीयांना याबाबत माहिती देण्यात आली. या प्रकरणाचा पुढील तपास सहायक पोलिस निरीक्षक नानासाहेब जाधव करीत आहेत.
Bandu Aandekar : आंदेकर फॅमिली महापालिका लढवणार, अर्ज दाखल करताना बंडू पोराचं नाव घेत म्हणाला… Video तुफान व्हायरल

• वाहनचालक आकाश दोडके आणि प्रियांकाचा १८ फेब्रुवारी २०१८ला विवाह झाला.
• पत्नीच्या चारित्र्यावरील संशयावरून आणि मूल होत नसल्याने तो प्रियांकाला सतत मारहाण करायचा. याबाबत तिने माहेरी सांगितले होते.
• मात्र त्रासाला व जाचाला कंटाळून ती भावाकडे निघून आली, तरीही आकाशच्या सांगण्यानुसार ती पुन्हा पुण्यात पतीसोबत राहायला गेली.
• पतीच्या घरी गेल्यावर तिच्याशी संपर्क होत नसल्याने कुटुंबीयांना संशय आला. खुनानंतर आरोपी पती आकाश स्वतःच पोलिस ठाण्यात हजर झाला.