राज्यात महायुतीत सत्तेत असलेल्या भाजपकडून १५१ जागांसाठी १ हजार ८००हून अधिक इच्छुकांनी मुलाखती दिल्या. त्याबरोबर स्थानिक पातळीवरही महायुती न करता स्वतंत्रच लढण्याचा स्थानिक नेत्यांचा कल आहे. मात्र, वरिष्ठ पातळीवर युती करण्याच्या सूचना आल्याने आता शिवसेनेला काही जागा सोडाव्या लागणार आहेत. महायुतीतील भाजपचा भागीदार असलेल्या शिवसेना शिंदे पक्षाचा विचार केल्यास फारशी ताकद शहरात नाही. शिवसेनेचे दोन गट होण्यापूर्वी दोन नगरसेवक होते, तेसुद्धा शिवसेना (उबाठा)कडे आहेत. त्यामुळे शिवसेना पक्षाची पाटी कोरी आहे. त्यातच काही दिवसांपूर्वी शिवसेनेचे आमदार कृपाल तुमाने यांनी त्यांच्या पक्षाला ५० जागा हव्या असल्याचा प्रस्ताव भाजपला दिला होता. मात्र, भाजपकडून या मागणीला प्रतिसाद देण्यात आलेला नाही.

Nagpur Crime : प्रॉपर्टीचा वाद विकोपाला, काकाकडून पुतण्यावर गोळीबार; कुटुंबातील अंतर्गत भांडणातून भयंकर घटना
२०१७मध्ये झालेल्या निवडणुकीत पक्षाने १०८ जागा मिळवल्या होत्या. या पार्श्वभूमीवर भाजपकडून लढणाऱ्या इच्छुकांची संख्या मोठी आहे. एका प्रभागातील एका जागेवर १० ते १२ दावेदार आहेत. त्यामुळे पक्षापुढे उमेदवार जाहीर करण्याचे मोठे आव्हान असणार आहे. भाजपने मुलाखतीनंतरही अंतिम यादी जाहीर केलेली नाही. अर्ज भरण्याची शेवटची तारीख ३० डिसेंबर असून त्याच्या एक दिवस आधी जागा जाहीर करण्यात येण्याची शक्यता आहे.

विदर्भातील सेनेच्या पदाधिकाऱ्यांची बैठक
भाजप नेत्यांच्या बैठकीपूर्वी मंत्री उदय सामंत आणि संजय राठोड हे नागपूर, अमरावती, अकोला, चंद्रपूर महापालिका क्षेत्रातील पक्षाच्या महत्त्वाच्या पदाधिकाऱ्यांची बैठक घेणार आहेत. या बैठकीत निवडणुकीची रणनीती ठरवण्यात येणार असून शहरातील हॉटेल सेंटर पॉइंट येथे ही बैठक होणार असल्याची माहिती आहे.

Nagpur Crime : 25 वर्षीय महिला पोलिसाला जाळ्यात ओढलं, लग्नाच्या आमिषाने लॉजवर अत्याचार, आरोपी निघाला दोन मुलांचा बाप, शेवटी किन्नरांकडून…
बंडखोरीचा धोका
पक्षातील इच्छुकांची संख्या बघता भाजपला यंदा बंडखोरीचा धोका आहे. हा धोका टाळण्यासाठी अशांची समजूत घालण्याचे प्रकार सुरू आहेत. त्याचबरोबर पक्षाकडून खबरदारी म्हणून यादी शक्य तितक्या उशिरा जाहीर करीत ‘बी फॉर्म’ ऐनवेळी देणार असल्याची माहिती आहे.