काही दिवसांपूर्वीच महादेव जानकर हे ठाकरेंनी मराठी निमित्ताने आयोजित केलेल्या जल्लोष मेळाव्यात दिसून आले होते. त्यानंतर जानकर महाविकास आघाडीसोबत येतील, असे बोलले जात होते.

काँग्रेसचे प्रदेशाध्यक्ष हर्षवर्धन सपकाळ आणि रासपचे महादेव जानकर यांनी संयुक्त पत्रकार परिषदेत घेत या आघाडीची घोषणा केली. महानगरपालिका व जिल्हा परिषद निवडणुकांमध्ये काँग्रेस व राष्ट्रीय समाज पक्ष एकत्र लढणार असल्याचे यावेळी जाहीर केले. यावेळी हर्षवर्धन सपकाळ म्हणाले की, ‘महादेव जानकर हे बहुजन समाजाचा आश्वासक आवाज आहेत. समविचारी पक्षांनी एकत्र येऊन लढण्याचा निर्णय झाला आहे’.
Satara News : मेधा कुलकर्णींचा अमित शाहांकडे पाठपुरावा, भाजपचाच बडा नेता अडचणीत, धाकटा भाऊ ईडीच्या ताब्यात, पश्चिम महाराष्ट्रात खळबळ
महादेव जानकर म्हणाले की, ‘काँग्रेसबरोबर रासपची आघाडी ३१ मे रोजीच झाली आहे. राहुल गांधी हे देशातील तरुण, महिला, आदिवासी, गोरगरीब, मागासवर्गीय यांचा आवाज बनून काम करत आहेत. जागा किती मिळणार यापेक्षा आजघडीला संविधान व लोकशाही वाचवण्याची नितांत गरज आहे’.

शिंदे-चव्हाण यांच्यात पाच तास चर्चा

दुसरीकडे, आगामी महापालिका निवडणुकांमध्ये भाजप-शिवसेना युतीच्या जागावाटपासंदर्भात मंगळवारी रात्री उशिरा उपमुख्यमंत्री एकनाथ शिंदे आणि भाजपचे प्रदेशाध्यक्ष रवींद्र चव्हाण यांच्यात जवळपास पाच तास मॅरेथॉन चर्चा झाल्याचे समजते. मुंबई, ठाणे, कल्याण डोंबिवलीसह मुंबई महानगर क्षेत्रातील महापालिकांमधील युतीच्या जागावाटपाचे सूत्र या चर्चेतून अंतिम टप्प्यात आल्याचे समजते. त्यामुळे येत्या दोन दिवसांत महायुतीच्या जागावाटपांचे सूत्र घोषित होणार असल्याचे समजते.
Pune News : हर्षवर्धन पाटलांची ‘झोप’ उडाली, साखर कारखान्याला 11 कोटींचा दंड, राष्ट्रीय सहकारी साखर कारखाना महासंघाचे अध्यक्षच कात्रीत
उपमुख्यमंत्री एकनाथ शिंदे यांच्या ठाणे येथील निवासस्थानी पहाटे ४ वाजेपर्यंत शिंदे आणि चव्हाण यांच्यात ही बैठक पार पडली. यावेळी जागावाटपाचा फॉर्म्युलाही ठरल्याचे कळते. येत्या दोन दिवसांत स्थानिक पातळीवर प्रभागस्तरावरील उमेदवारांची चर्चा होणार असून, युतीच्या जागावाटपाची अधिकृत घोषणा लवकरच होणार असल्याचे समजते. शिवसेनेचे खासदार डॉ. श्रीकांत शिंदे, खा. नरेश म्हस्के, सरचिटणीस राहुल शेवाळे हे या चर्चेदरम्यान उपस्थित होते.