राष्ट्रवादी शरद पवार गटाचे प्रदेशाध्यक्ष शशिकांत शिंदेंनी पुण्यात पत्रकार परिषद घेतली. यावेळी बोलताना त्यांनी पालिका निवडणुकीचं प्लॅनिंग सांगितलं. ते म्हणाले, आज पुण्यात आमच्या पक्षाची बैठक पार पडली. सगळ्यांची मत जाणून घेत संवाद साधला आहे, २७७ लोकांनी अर्ज केला आहे. सध्या तरी महाविकास आघाडी म्हणून चर्चा सुरू आहे, लवकरच निर्णय जाहीर करू. अजून तरी अजित पवार यांच्याकडून कुठलाही प्रस्ताव आला नाही. पवार साहेब, सुप्रिया सुळे आणि जयंत पाटील आणि मी बसून निर्णय घेऊ. आधी मित्रपक्षाशी चर्चा करू मग पुढचा निर्णय घेऊ असंही बोलताना त्यांनी स्पष्ट केलं. भाजप मित्रपक्षांचा वापर फक्त निवडणुकीसाठी करत आहे. दोन पक्ष एकत्रित येत निवडणूक लढतंय मग दादांना लांब का ठेवलं जातं? राजीनामा देखील दादांच्या मंत्र्यांचा का होत आहे असाही सवाल उपस्थित केला.