मुंबई महानगर प्रदेश विकास प्राधिकरणाने (एमएमआरडीए) बांधलेल्या उन्नत मेट्रो २ ब चा पहिला टप्पा पूर्णपणे सज्ज आहे. त्याचवेळी दहिसरला भाईंदरशी जोडणारी उन्नत मेट्रो ९ देखील चाचणीच्या व त्यासंबंधीच्या अंतिम टप्प्यात आहे. लवकरच या मार्गिकेचा पहिला टप्पा प्रवासीसेवेसाठी सज्ज होण्याची चिन्हे आहेत. मात्र विद्यमान महापालिका निवडणुकीची आचारसंहिता घोषित झाल्याने या दोन्ही मार्गिका डिसेंबरअखेरीस विना औपचारिक उद्घाटन प्रवासीसेवेत येण्याची शक्यता सूत्रांनी व्यक्त केली आहे.

Navi Mumbai: 190 कोटींचा खर्च, 21 मजली भव्य बांधकाम; नवी मुंबईतील महत्त्वाचा बस डेपो 6 वर्षांनंतर सुरू; वैशिष्ट्ये काय?

कुठे असतील स्थानके?

मेट्रो २ ब ही एकूण २० स्थानके व २३.६ किमी लांबीची मंडाळा ते ईएसआयसीनगर (अंधेरी प.) अशी मार्गिका आहे. मार्गिकेच्या पहिल्या टप्प्यात मंडाळा, मानखुर्द, बीएसएनएल (गोवंडी), शिवाजी चौक (चेंबूर) व डायमंड गार्डन (चेंबूर) या पाच स्थानकांचा समावेश आहे. दुसरा टप्पा चेंबूर ते कुर्ला व अंतिम टप्पा तिथून पुढे बीकेसीमार्गे ईएसआयसीनगर (अंधेरी पश्चिम), असा सुरू करण्याचे एमएमआरडीएचे नियोजन आहे. तर मेट्रो ९ ही दहिसर ते सुभाषचंद्र बोस स्टेडियम, भाईंदर अशी आहे. त्याचा पहिला टप्पा दहिसर पूर्व ते काशीगाव, असा असेल. त्यात दहिसर पूर्व, पांडुरंगवाडी, मिरागाव व काशीगाव, असे चार स्थानकांचे असेल. तर पुढील व अंतिम टप्पा हा अन्य चार स्थानकांचा असेल.

कुठे मिळणार थेट जोडणी?

मेट्रो 2बी मेट्रो लाईन 1 ला अंधेरीतील डीएन नगर येथून जोडेल, तसेच रेल्वे प्रवाशांना कुर्ला पूर्व आणि मानखूर्द दरम्यान ही कनेकटीव्हीटी देईल. त्याच बरोबर चेंबूरमधील मोनोरेलला ही मेट्रो थेट जोडणी देणार आहे. मेट्रो 1 सह मेट्रो 2अ ( दहिसर ते डी एन नगर), मेट्रो 3 (कुलाबा-वांद्रे-आरे) आणि लाईन 4 (कुर्ला पूर्व येथून),आणि मेट्रो 7 (दहिसर पूर्व ते गुंदवली) ला चेंबुर येथून जोडणी मिळणार आहे. त्याचबरोबर नवीन तयार होणाऱ्या एअरपोर्ट रेल आणि मानखूर्दमधील मेट्रो 8अ शी सुद्धा जोडण्यात येणार आहे.