नेमकं प्रकरण काय?

पोलिसांनी दिलेल्या माहितीनुसार, गोराई येथील एका माध्यमिक शाळेमध्ये १४ डिसेंबरला दुपारी १२ ते २ या वेळेत गणित प्रभुत्व परीक्षा घेण्यात आली. या परीक्षेला पाचवी, सातवी आणि आठवीचे १३९ विद्यार्थी उपस्थित होते. परीक्षा वेळेनुसार सुरू होताच परीक्षा केंद्र क्रमांक १३मधील एक विद्यार्थी वारंवार बाथरूमला जात असल्याचे पर्यवेक्षिकेच्या लक्षात आले. विशेष म्हणजे तो जाताना प्रत्येक वेळी प्रश्नपत्रिका घेऊन जात असल्याने संशय आणखी बळावला. पर्यवेक्षिकेने हा प्रकार मुख्याध्यापकांच्या लक्षात आणून दिल्यानंतर या मुलाची तपासणी करण्यात आली. झडतीमध्ये या मुलाकडे मोबाइल आढळला. शाळेच्या कर्मचाऱ्यांनी मोबाइल तपासला असता त्याने प्रश्नपत्रिका व्हॉट्सअॅपवर पाठविल्याचे दिसून आले.Manikrao Kokate: मोठी बातमी! कोकाटे आता बिनखात्याचे मंत्री; फडणवीसांची ‘ती’ शिफारस राज्यपालांकडून मान्य

खोटे नाव सांगून फसवणूक

शाळा प्रशासनाने मुलास घेऊन बोरिवली पोलिस ठाणे गाठले. खोटे नाव सांगणाऱ्या या मुलाकडे पोलिसांनी आधारकार्ड मागितले, मात्र त्याने नसल्याचे सांगितले. पालकांचे मोबाइल क्रमांक चुकीचे सांगणाऱ्या या मुलाने पोलिस कारवाईच्या भीतीने खरे क्रमांक दिले. पोलिसांनी त्याच्या आईला पोलिस ठाण्यात बोलावून घेत मुलाचे प्रताप सांगितले. त्यावर नववीत शिकणारा मुलगा शिकवणीसाठी जातो, असे सांगून घराबाहेर पडल्याचे त्याच्या आईने सांगितले.

शाळा प्रशासनाने दिलेल्या तक्रारीनुसार पोलिसांनी मुलासह शिक्षिकेविरुद्ध गुन्हा दाखल केला आहे. शाळेतील परीक्षेतही डमी विद्यार्थी बसविले जात असल्याने आश्चर्य व्यक्त करण्यात येत आहे. पुण्यात काही दिवसांआधीच खासगी शिकवणीच्या वर्गात एका मुलाने दुसऱ्या विद्यार्थ्याची हत्या केल्याचा प्रकार घडला होता. त्यामुळे परिसरात एकच खळबळ उडाली होती.