अरुण रामाजी तुरारे (४३), असे मृताचे तर चंद्रशेखर रामाजी तुरारे (वय ५८, दोन्ही रा. मोहपा) असे अटकेतील मारेकऱ्याचे नाव आहे. अरुण हे शेतकरी होते. पोलिसांकडून प्राप्त माहितीनुसार, शनिवारी सकाळी अरुण आणि त्यांच्या पत्नी ज्योत्स्ना हे शेतात गेले. ज्योत्स्ना या बाजूच्या शेतात काम करीत होत्या. सायंकाळी त्या अरुण हे काम करीत असलेल्या शेतात आल्या. त्यांना अरुण दिसले नाहीत. त्यांनी मोहपा पोलिस चौकीत तैनात पोलिसांना अरुण बेपत्ता असल्याची माहिती दिली. पोलिसांनी शोध सुरू केला.
Nagpur Winter Session: प्रशिक्षण दिले, रोजगार कुठे आहे? मुख्यमंत्री युवा कार्य प्रशिक्षण योजनेवरुन विधानसभेत गोंधळ
पोलिसांना मोहगाव सावंगी परिसरातील नाल्यात जळालेले मानवी अवशेष आढळले. घटनास्थळावर आढळलेल्या वस्तूंवरून अरुण यांची ओळख पटली. पोलिसांनी खुनाचा गुन्हा दाखल केला. ज्योत्स्ना यांनी चंद्रशेखर याच्यावर संशय व्यक्त केला. संपत्तीच्या वाटणीवरून त्यांच्यात वाद असल्याचे सांगितले.
‘तिजोरी ओसंडून वाहत नाही’, अजित पवार विधानसभेत नेमकं काय म्हणाले?

पोलिस अधीक्षक हर्ष पोद्दार, अपर पोलिस अधीक्षक अनिल म्हस्के, उपविभागीय पोलिस अधिकारी सागर खर्डे यांच्या मार्गदर्शनाखाली स्थानिक गुन्हेशाखेचे निरीक्षक ओमप्रकाश कोकाटे आणि कळमेश्वर पोलिस ठाण्याचे ठाणेदार मनोज काळबांडे व त्यांच्या सहकाऱ्यांनी संशयाच्या आधारे चंद्रशेखरला ताब्यात घेतले. त्याची कसून चौकशी केली. चाकूने वार करून अरुण यांची हत्या केली. पुरावा नष्ट करण्यासाठी मृतदेह जाळला, अशी माहिती त्याने पोलिसांना दिली. त्यानंतर पोलिसांनी चंद्रशेखरला अटक केली.