ही महिला तळेकांटे गणपती मंदिराजवळून चालत असताना अचानक मुंबई-गोवा राष्ट्रीय महामार्गावरून येणारे एक चारचाकी वाहन त्यांच्या जवळ थांबले. वाहनातून उतरलेला अनोळखी युवक आणि सोबतची महिला सुरुवातीला मार्ग विचारत सभ्यपणे बोलायला लागले. पण काही क्षणांतच दृश्य पलटले. युवकाने अचानक चाकू उगारत भार्गव यांना धमकावले आणि गळ्यातील सोन्याची चेन हिसकावून दोघेही गाडीमध्ये बसून पळ काढला. अचानकच काही मिनिटांत घडल्याने घाबरलेल्या या महिलेने मदतीसाठी आरडाओरडा केला. हा प्रकार गुरुवारी संध्याकाळी घडल्याची माहिती समोर आली आहे.
Ratnagiri News: बड्या उद्योजकावर ई़डीची धाड, कंपनीबाहेर मोठा पोलिस बंदोबस्त, रत्नागिरीत अनेकांची झोप उडाली
तक्रार मिळताच संगमेश्वर पोलिसांनी घटनास्थळी धाव घेत पंचनामा करून गुन्हा रजिस्टर नं. 138/2025 भा. न्यू. संहिता 2023 नुसार गुन्हा दाखल केला आहे. तपास संगमेश्वर पोलिस स्टेशनचे पोलीस निरीक्षक आर. एस. गावित यांच्या मार्गदर्शनाखाली वेगाने सुरू आहे. संशयितांचा माग काढण्यासाठी पोलिसांकडून महामार्गावरील सीसीटीव्ही फुटेज, वाहनांचा तपशील आणि संभाव्य रुट्स तपासले जात आहेत. या थरारक चोरीमुळे मुंबई-गोवा महामार्गावरील प्रवाशांच्या सुरक्षेचा प्रश्न पुन्हा एकदा गंभीरपणे ऐरणीवर आला असून, नागरिकांमध्ये भीतीचे वातावरण निर्माण झाले आहे.