आमदार राहुल कुल यांनी पुण्यातील रिंग रोड, तसेच इतर प्रकल्पांसदर्भात प्रश्न उपस्थित केले होते. या लक्षवेधीच्या चर्चेत आमदार सुनील शेळके आणि अभिजित पाटील यांनीही सहभाग घेतला होता. पुणे रिंग रोडसह जिल्ह्यातील महत्त्वाच्या पायाभूत प्रकल्पांना वेग देण्यासाठी प्रशासनाने निर्णायक पावले उचलली आहेत. रिंग रोड पूर्वमधील १२ पैकी नऊ पॅकेजेसची कामे वेगाने सुरू असून, उर्वरित तीन पॅकेजेस प्रशासकीय मान्यतेच्या प्रक्रियेत आहेत. या तिन्ही पॅकेजेसची निविदा प्रक्रिया पुढील वर्षी मे महिन्यांपूर्वी पूर्ण करण्यात येतील, तर ऑक्टोबरपासून प्रत्यक्ष कामाला सुरुवात होईल, असे भुसे या वेळी म्हणाले.

Ratnagiri News :मुंबई-गोवा महामार्गावर एक महिला जात होती, तिच्याजवळ कार थांबली अन्…; घटनेनं तळकोकणात खळबळ

पुण्यात इतर प्रकल्पांनाही मान्यता

हडपसर ते यवत या उन्नत मार्गाची निविदा प्रक्रिया सुरू करण्यात आली आहे. तर, पुणे ते शिरूर या उन्नत मार्गाला मंत्रिमंडळाने मान्यता दिली आहे. राज्याच्या ‘एमएसआयडीसी’ या विभागाकडून ही कामे करण्यात येणार आहे. याशिवाय शिरूर-छत्रपती संभाजीनगर या ग्रीनफिल्ड प्रकल्पासाठी भूसंपादन पूर्ण करण्यात आले आहे. तळेगाव-चाकण-शिक्रापूर हा उन्नत मार्ग करण्याचे प्रस्तावित असून, त्यासाठीची निविदा प्रक्रिया सुरू असल्याचे भुसे यांनी विधानसभेत सांगितले.

मेट्रो मार्गाला गती

महामेट्रोकडून सुमारे १२ किलोमीटर लांबीच्या मेट्रो मार्गाला मंजुरी दिली असून त्यासाठीचा सविस्तर प्रकल्प अहवाल तयार करण्यात आला आहे. उड्डाणपूल, रस्ता क्रॉसिंगसारख्या तांत्रिक अडचणींसाठी अधिकाऱ्यांना स्वतंत्र बैठक घेण्याचे आदेश दिले आहेत. यासंदर्भातील व्यवहार्यता तपासल्यानंतर पुढील निर्णय घेतला जाणार असल्याचेही त्यांनी सांगितले.

Nitin Gadkari: मुंबई-पुणे अंतर अवघ्या दीड तासात, संभाजीनगरसाठी पुण्याहून नवा एक्स्प्रेसवे; नितीन गडकरींची महाराष्ट्रासाठी मोठी घोषणा

दरम्यान, मुख्यमंत्री देवेंद्र फडणवीस यांनी सर्व विभागांमध्ये समन्वय ठेवून प्रकल्पांच्या परवानग्या, भूसंपादन आणि कामांची गती यावर दर महिन्याला आढावा घेण्याचे आदेश दिला आहे, असे भुसे म्हणाले. दरम्यान, सोलापूर-पुणे रस्त्यासंदर्भात बैठक झाली असून हे काम तातडीने सुरू करण्यात येईल, अशी माहिती उपमुख्यमंत्री अजित पवार यांनी या वेळी दिली.

लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा