कंत्राटदारावर गुन्हा, अल्पवयीन मुलगा ताब्यात

या घटनेमुळे एक महत्त्वाचा प्रश्न उपस्थित झाला आहे, तो म्हणजे १७ वर्षांच्या मुलाला वर्कशॉपमध्ये कामावर कसे घेतले गेले आणि तो गाडी चालवण्याचे काम कसे करत होता? पोलिसांनी कंत्राटदार मोहम्मद गुड्डू खान याच्यावर गुन्हा दाखल केला असून त्या अल्पवयीन मुलाला ताब्यात घेतले आहे. एफआयआरमध्ये सर्व्हिस कर्मचारी मनोज वसंत शिवरीकर (वय ५६) आणि वॉशिंग-साइट सुपरवायझर जफर शेख यांचीही नावे आहेत. पोलिसांनी ‘भारतीय न्याय संहिता’ कलम १०६(१) आणि ‘बाल व किशोर कामगार (प्रतिबंध व नियमन) कायदा’ चे कलम १४ लागू केले आहे.

गुड्डू खान याच्याकडे महिंद्राच्या गाड्या धुण्याचे कंत्राट होते, मनोज हा सर्व्हिस कर्मचारी होता आणि जफर शेख हा वॉशिंग-साइट सुपरवायझर होता. एसयूव्ही चालवणाऱ्या मुलाला ताब्यात घेण्यात आले आहे.” वडाळा पोलीस ठाण्यातील एका अधिकाऱ्याने सांगितले की, सध्याच्या टप्प्यावर ही घटना त्या अल्पवयीन मुलावर स्वतंत्र फौजदारी खटला चालवण्यासारखी वाटत नाही.

Kanpur Murder : स्मार्ट दिसतोस रे.. लग्न नाही का केलं अजून? जुन्या नोकराला लाडीगोडी, घोळात घेऊन प्लॅन आखला, शालूची ‘धोखेबाजी’ उघड

साजिदला १३-१४ वर्षांचा अनुभव

शिवडीचे रहिवासी आणि साजिदचे दूरचे नातेवाईक शेख मोहम्मद अमीर यांनी दिलेल्या माहितीनुसार, साजिद ‘3M’ कंपनीमार्फत वाहने धुण्याचे आणि आतील भाग स्वच्छ करण्याचे काम गेल्या १३-१४ वर्षांपासून करत होता. त्याला ‘महिंद्रा अँड महिंद्रा’च्या केंद्रावर कामासाठी नेमण्यात आले होते. तो महिन्याला सुमारे १६ ते १८ हजार रुपये कमवत असे, असे अमीर यांनी सांगितले.

कुटुंबाच्या वकिलांचे म्हणणे

“यासाठी जबाबदार असलेल्या प्रत्येकावर कारवाई जाली पाहिजे आणि त्यांनी कुटुंबाला नुकसानभरपाई दिली पाहिजे. तिथे एक अल्पवयीन मुलगा काम करत होता आणि त्याला वाहन हाताळण्याची मुभा देण्यात आली होती. यात सहभागी असलेल्या सर्वांच्या जबाबदारीची तपासणी होणे गरजेचे आहे” असे कुरेशी म्हणाले. कामगारांच्या नेमणुकीत सहभागी असलेल्या कंपन्यांच्या जबाबदारीबाबतही कुटुंबाने प्रश्न उपस्थित केले आहेत.

Nashik News : समृद्धी महामार्गावरील अपघातात 21 वर्षांचा तेजस ब्रेन डेड, अनावर दुःखातही गायकवाडांचा मोठा निर्णय, मुंबईपर्यंत एअर ग्रीन कॉरिडोर

कुटुंबाला शोक अनावर

“त्याचे लग्न होऊन साधारण दोन-तीन वर्षे झाली होती आणि त्याला व त्याच्या पत्नीला मूल होण्याची आशा होती. साजिद हा कुटुंबाचा मुख्य कमावता सदस्य होता आणि तो आपल्या पत्नीचा व वृद्ध पालकांचा सांभाळ करत होता.” असे अमीर यांनी सांगितले. साजिद अत्यंत गरीब कुटुंबातील होता आणि फुटपाथवरील घरात राहत होता. कुटुंबाला नुकसानभरपाई मिळायला हवी, असे ते म्हणाले. “साजिद हा मुख्य कमावता सदस्य होता. त्याची पत्नी आणि वृद्ध आई-वडील त्याच्यावर अवलंबून होते. तो अत्यंत गरीब कुटुंबातून आला होता आणि फुटपाथवरील घरात राहत होता. कुटुंबाला नुकसानभरपाई दिली पाहिजे” असे अमीर म्हणाले.

साजिदच्या कुटुंबीयांनी आरोप केला आहे की, वॉशिंगचे कंत्राट असलेल्या मोहम्मद गुड्डू खान याने त्या मुलाला कामावर घेण्यापूर्वी त्याचे वय तपासले नाही. पीडित कुटुंबाचे वकील फहाद अली कुरेशी यांनी सांगितले की, त्या कामगाराची नेमणूक आणि देखरेख यामध्ये सहभागी असलेल्या प्रत्येकाच्या भूमिकेची तपासणी केली पाहिजे.

Mumbai Crime : ओल्या चादरीवरचे डीएनए, जजचा विश्वास बसेना; विलेपार्लेत फिजिओथेरपिस्ट अत्याचार-खून प्रकरणात फाशी सुनावलेला तरुण कसा सुटला?वडाळा पोलीस ठाण्याचे वरिष्ठ पोलीस निरीक्षक शशिकांत पडवे यांनी सांगितले की, ज्या कलमांतर्गत गुन्हा दाखल करण्यात आला आहे, त्यात सात वर्षांपेक्षा कमी शिक्षेची तरतूद असल्याने आरोपींना नोटिसा बजावण्यात आल्या आहेत. “आम्ही आरोपींना नोटिसा बजावल्या आहेत कारण या प्रकरणात लावण्यात आलेल्या कलमांनुसार सात वर्षांपेक्षा कमी शिक्षेची तरतूद आहे.