जखमी मावशीवर मुंबईतील शीव रुग्णालयात उपचार सुरू असून, याप्रकरणी खडकपाडा पोलिसात गुन्हा दाखल करण्यात आला आहे. मात्र, अद्याप आरोपीना अटक करण्यात आली नसल्याने पोलिसांच्या कार्यक्षमतेवर आश्चर्य व्यक्त होत आहे. बाबा ऊर्फ नवाब शेख (२४), अपसर शेख (३५), शब्बीर शेख (३०) आणि शाहरुख अस्लम शेख (२७) अशी आरोपींची नावे आहेत.

Mumbai News : काही कळायच्या आत समोरुन आला आणि थेट खांदाच पकडला, भटक्या कुत्र्याचा सुरक्षारक्षकावर हल्ला; भीतीदायक VIDEO समोर
काय घडलं नेमकं?
मोनू फुलारी यांचा मित्र विवेक कांबळे याची टोपी नवाब शेख याने घातली होती. यामुळे विवेक चिडल्याचे पाहून मोनू याने नवाब याच्या डोक्यातून टोपी काढून विवेक याला दिली. यामुळे चिडलेल्या नवाब याने आपल्या इतर तीन मित्रांना बोलावून लाकडी काठी आणि लाथाबुक्क्यांनी मोनू आणि विवेक यांना मारहाण केली. आपल्या भाच्याला मारहाण होत असलेली पाहून मोनू याच्या मावशी वैशाली यांनी त्यांना समजावण्याचा प्रयत्न करताच नवाब आणि त्याच्या मित्रांनी तिच्या पोटावर लाथ मारली.
Nashik Crime: कर्जमंजुरीच्या नावाखाली बंटी-बबलीने फसवलं; 5000 नाशिककरांना फेक कॉल्स, असा घालायचे गंडा
पोटावर मार बसल्याने वैशाली विव्हळत जागीच कोसळल्या. त्यांना तातडीने रुग्णालयात दाखल करण्यात आले, मात्र पोटातील बाळाची प्रकृती चिंताजनक असल्याने त्यांना तातडीने शीव रुग्णालयात धाडण्यात आले. डॉक्टरांनी वैशाली यांची सुखरूप सुटका केली असली तरी मारहाणीमुळे बाळ दगावल्याने त्यांच्यावर दु:खाचा डोंगर कोसळला आहे. आपल्या बाळाचा जीव घेणाऱ्या आरोपींना शिक्षा करण्याची मागणी त्यांनी केली आहे. मात्र, अजूनही पोलिसांनी आरोपींवर कारवाई केली नसल्याने आश्चर्य व्यक्त होत आहे.