निखिल रणदिवे यांनी स्टेटसमध्ये वरिष्ठ पोलिस निरीक्षक नारायण देशमुख यांच्या वागणुकीबाबत गंभीर आरोप केले होते. गेल्या वर्षभरापासून वरिष्ठांचा सततचा मानसिक छळ, मनमानी आदेश, वारंवार दूरस्थ ठिकाणी ड्युटी, आजारी मुलीला वेळ न देता येणे आणि नुकत्याच झालेल्या शिक्रापूर बदलीतील रिलीव्हिंगमध्ये झालेला विलंब यामुळे प्रचंड तणावात असल्याचे त्यांनी स्टेटसवर लिहिले होते.

या पोस्टनंतर त्यांचा मोबाईल बंद झाला आणि ते बेपत्ता झाले होते. कुटुंबीयांनी शिक्रापूर पोलिस ठाण्यात तक्रार दाखल केली होती. यवत, शिक्रापूर पोलिस ठाणे आणि स्थानिक गुन्हे शाखेच्या संयुक्त पथकाने युद्धपातळीवर शोध मोहीम राबवली होती.

निखिल रणदिवे काल मध्यरात्री सुखरुप घरी परतल्याची माहिती शिक्रापूरचे पोलिस निरीक्षक दीपरत्न गायकवाड यांनी दिली. रणदिवे परतल्याने पोलिस दल व कुटुंबीयांना मोठा दिलासा मिळाला आहे. मात्र मानसिक तणाव आणि वरिष्ठांविरुद्धचे आरोप यावर आता पोलिस दलाकडून स्वतंत्र चौकशी होण्याची शक्यता आहे.
Sindhudurg Crime : आपण तरंदळे धरणावर जाऊया, आईच्या फोनवरुन सोहमचा ‘तिला’ मेसेज, घरच्यांनी मोबाईल पाहिला, धावत पोहोचले तर दोघंही…
पीआय नारायण देशमुख यांच्याविरुद्ध यापूर्वीही काही कर्मचाऱ्यांनी सोशल मीडियावर तक्रारी केल्या होत्या. त्यांच्या कारभाराबाबत ठाण्यातील काही कर्मचाऱ्यांमध्ये नाराजी असल्याच्या चर्चा होत्या. आता याबाबत काय कारवाई होणार, याकडे सर्वांचे लक्ष आहे.
Solapur Crime : डॉ शिरीष वळसंगकर प्रकरणात 8 महिन्यांनी ट्विस्ट, मनिषा मुसळेंच्या वकिलाचा मोठा दावा, ‘पी राऊत’ नामक महिलेचे तीन फोन अन्…

तेजवानी-येवलेंची समोरासमोर चौकशी

दुसरीकडे, मुंढव्यातील कोट्यवधीच्या जमीन गैरव्यवहार प्रकरणात निलंबित तहसीलदार सूर्यकांत येवले यांची पुणे पोलिसांनी बुधवारी चौकशी केली. या चौकशीदरम्यान अटकेत असलेली शीतल तेजवानी आणि येवलेंची समोरासमोरही चौकशी झाली. उपमुख्यमंत्री अजित पवार यांचे पुत्र पार्थ पवार संचालक असलेली अमेडिया कंपनी, संचालक दिग्विजय पाटील, शीतल तेजवानी, निलंबित तहसीलदार सूर्यकांत येवले आणि हेमंत गवंडे यांच्यावर मुंढवा जमीन प्रकरणात गुन्हा नोंद आहे. या प्रकरणाचा तपास पुणे पोलिसांच्या आर्थिक गुन्हे शाखेकडून सुरू आहे.