पीडित परिचारिकेचा विवाह २०१९ साली वांद्रे कोर्टात आरोपीसोबत झाला. लग्नानंतरच्या दिवसांतच तो टेम्पोचालक असल्याने अनेकदा उशिरा किंवा दुसऱ्या दिवशी घरी परत येत असे. दारूचे व्यसन वाढत गेले तसे घरातील वातावरणही बिघडले. तक्रारदाराने घड्याळ पॅकिंग कंपनीत नोकरी सुरू केली, मात्र तेथील मालकाशी तिचे संबंध असल्याचा संशय घेत आरोपीने तिच्यावर मारहाण करण्यास सुरुवात केली. परिणामी तिला नोकरी सोडावी लागली.
Mumbai News: मुलुंड डम्पिंग ग्राऊंडचा कायापालट! 2 महिन्यांत कचऱ्याची विल्हेवाट; महापालिकेकडून नव्या प्रकल्पाला मंजुरी
तिने नंतर दवाखान्यात पोलिओ डोससंबंधीची नोकरी स्वीकारली. पण संशयाची मालिका आणि मारहाणीचे प्रकार सुरूच राहिले. त्यामुळे ती माहेरी गेली. सासू-सासऱ्यांनी समजूत काढल्याने ती पुन्हा सासरी परतली. यावेळी सासऱ्यांनी आरोपीसाठी ओला कंपनीत कार घेऊन देत त्याला कामावर रुजू केले. तरीही तो रात्री घरी न येणे आणि इतर महिलांसोबत चॅटिंग करत असल्याचे पत्नीच्या लक्षात आले.
Shivsena News: महाराष्ट्राच्या राजकारणात व्हिडिओ बॉम्बने खळबळ; नोटांच्या बंडलांसह शिंदेंचा आमदार, दानवेंनी काय दावा केला?
२०२४ मध्ये तक्रारदार एका मोठ्या रुग्णालयात परिचारिका म्हणून नोकरी करू लागली. पण तिथेही आरोपीने एका प्रशिक्षकाशी तिचे संबंध असल्याचा तर्क लावून तिला मारहाण केली. अखेर दारूडा पती, त्याचे संशयाचे खेळ आणि सततची हिंसा याला कंटाळून तिने २४ जानेवारीला सासर सोडले आणि अंधेरी पूर्व येथे केअरटेकर म्हणून काम सुरू केले. यावर संतप्त आरोपीने सोशल मीडियावर पत्नीविषयी आक्षेपार्ह पोस्ट टाकून तिची उघडपणे बदनामी केली. मानसिक छळाचा हा नवा अध्याय पाहून पीडित महिलेने वाकोला पोलिसांकडे तक्रार दिली. पोलिसांनी तत्काळ आरोपीविरोधात गुन्हा नोंदवून पुढील तपास सुरू केला आहे. सततच्या अत्याचारातून वाचण्यासाठी वेगळी राहणाऱ्या महिलांवर सोशल मीडियाद्वारे होणारा नवीन धोका या प्रकरणातून पुन्हा एकदा समोर आला आहे.